Руслан Изиев – дюньяны чемпиону


Июль айны 7-8-нде Москвада спортну бразилиялы джиу-джитсу ва грэпплинг журасындан дюньяны чемпионаты оьтгерилген. Мунда бютюн дюньядан кёп санавда спортну джиу-джитсу ва грэпплинг жураларындан белгили спортчулар ортакъчылыкъ этген. Оланы арасында дагъыстанлы къумукъ улан спортну эсгерилген жураларындан Евразияны ва дюньяны чемпиону Руслан Изиев де болгъан.

 



Руслан Изиев спортну джиу-джитсу ва грэпплинг жураларындан 2016-нчы ва 2017- нчи йылларда Дубайда чемпион болуп акъ ва гёк белбавгъа ес болгъан. Бу йыл Моск­вада оьтгерилген дюньяны чемпионатында буса авур къызыл тюслю белбавну якълагъан. Руслан Изи­евни айтывуна гёре, ол гелеген йыл апрель айда Абу Даби шагьарда оьтгерилежек спортну джиу-джитсу журасындан непти белбавну якъламагъа къаст этежек. Спортну джиу-джитсу журасында непти ва къара белбавлар эсгерилген спортну журасыны оьр «канзилери» гьисаплана.



Белгили спортчубуз, спорт­ну джиу-джитсу ва грэпп­линг жураларындан Евразияны ва дюньяны чемпиону Руслан Изиевни гезикли уьстюнлюгю булан гьакъ юрекден къутлайбыз ва ону булан оьктем болабыз! Гележек ярышларда да огъар уллу уьстюнлюклер, яхшы савлукъ ва терен ругь ёрайбыз!



Авторизация
*
*
Регистрация
*
*
*
Согласны с условиями сайта?
Генерация пароля