Белгили спортчулар ортакъчылыкъ этежек


Белгили экени йимик, декабр айны 15-нде Каспийскидеги Али Алиевни атындагъы спортну ва яшёрюмлени къаласында ябушувну самбо журасындан дюньяны чемпионаты оьтгерилежек. Шо ярышларда Bellator лигагъа къуршалгъан белгили россиялы спортчу Федор Емельяненко ортакъчылыкъ этежек.



Шо гьакъда маълумат къуралланы вакиллерине ябушувну самбо журасыны бютюнроссия федерациясыны вице-президенти Магьамматсолтан Алиев билдирген. Ону сёзлерине гёре эсгерилген ярышланы Дагъыс­танда оьр даражада оьтгермек гёз алгъа тутула.



Бизин республикагъа ябушувну самбо журасындан инг бажарывлу ва белгили спортчулар чемпионатда ортакъчылыкъ этгенден къайры да, шону оьлчевюнде ММА-ны ябушув къайдаларына гёре тогъатартывлар да болажакъ деп гёз алгъа тутула. Ювукъ вакътини ичинде Гьабиб Нюрмагьамматов булан оьтгерилген тогъатартывда тюп болгъан UFC-ге къуршалгъан спортчу Конор Макгрегор да чемпионатгъа чакъырылгъанланы арасында бар.



Авторизация
*
*
Регистрация
*
*
*
Согласны с условиями сайта?
Генерация пароля