Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)

Алим ЧЕРКЕСОВ: «Бизде чемпионлар гьазирлене»

Алим ЧЕРКЕСОВ: «Бизде чемпионлар гьазирлене»



Гьар заманда да спорт жагьиллени тарбиялавда аслу ер тутуп гелген. Спорт булан байлавлу адам оьзюню яшавун тюз ёлларда юрютеген адам деп гьисаплана. Ол тарыкъсыз ишлерден ариде бола, ичмей, сигарет тартмай, гьар заманда да савлукъда яшай. Шо ёлгъа гиччилей тюшген бусанг, дагъы да яхшы. Школадагъы охувлар битип, къошум дарслар деп гьисапланагъан спорт яшланы къаркъарасын чыныкъдыра. Бирлери чи спортда уллу уьстюнлюклеге де етише. Гьар жагьилни де шолай натижалагъа етишмек учунгъу гьаракаты спорт школаларда башлана деп айтма ярай.


1971-нчи йылда СССР-де жагьиллени спорт школаларыны санаву 3813 болгъан, шоларда да 1,3 миллион яш спорт булан машгъул болгъан. Гьали шо санав уьч керенге аз болгъан, тек гьар йыл сайын янгы биналар къурула ва шоларда спорт булан машгъул яшланы санаву арта.


Хасавюрт районну Ботаюртдагъы яшланы ва яшёрюмлени спорт школасы ачылгъанлы 13 йыл бола. Тек бу школадан шо аз заманны ичинден кёп санавдагъы белгили спортчулар чыкъгъан, бугюнлерде де болажакъ чемпионлар оьзлер сюеген спорт булан машгъул болалар. Шону учун да мунда бары да имканлыкълар болдурулгъан. Яшёрюмлер къайсы спортну сайлай, тренерлер етишеми, спорт булан машгъул болма имканлыкълар нечикдир, уьстюнлюклеригиз бармы? Мен шулай ва башгъа соравлар бере туруп, шо спорт школаны директору Алим Черкесов булан лакъыр этемен.\

 


 – Алим, яш чагъынга да къарамайлы, сен уллу спорт школаны директору этилип салынгъансан. Шо спорт булан машгъул болма четим этмейми?


– Гьалиге четим ерин гёрмеймен. Мен спортгъа кёп гиччилейин, 12 йыл болагъанда гелгенмен ва шу спорт школа ачылгъандан берли спорт булан машгъулман. Мен спортзалдан чыкъмайман деме ярай, шону учун да ишин бек яхшы билемен. Директорлукъ ишимден къайры, тренер де болуп ишлеймен, башгъаланы уьйретив булан бирге, оьзюм де сынавумну артдыраман.


Оьтген 13 йылны ичинде бизин школадан атлары Россиягъа ва дюньягъа белгили болгъан спортчулар чыкъгъан. Спортну сюеген адам, бир огъар гирсе, сав оьмюрге къала. Шолай, шу школада спорт булан машгъул болуп, оьрлюклеге етишген, сонг тренер болуп ишлейгенлени атларын айтма сюемен. Ислам Муртазаев ва Алимпаша Танбиев – тай боксдан Россияны бир нече керен, Европаны ва дюньяны чемпионлары. Сираждин Вагьабов авур атлетикадан спортну халкъара даражалы устасы Ханмурза Исаев ва Алибий Казиев Россияны ат къазангъан тренерлери, тутушуп ябушувдан СССР-ни спортуну устасы Тагьир Къабардиев ва башгъалары. Шолай да, башгъа тренерлер Алишбий Казиевни, Арсен Арчхановну атларын эсгерме сюемен. Тренерлерден тюзелгенмен, мен оланы аяп сакълайман.


Шолар кёп йылланы боюнда яшланы спортгъа къуршай, уьйрете, чемпионланы тарбиялай, ярышлагъа алып юрюй. Оьзлени оьмюрюню кёп янын яшланы уьйретмек учун багъышлагъан. Тренер – тарбиялавчу, насигьатчы ва инамлы къурдаш. Олар гьар яшны алдына борч сала ва къыйынлыкъланы енгме, ингдеси, хасиятын чыныкъдырма уьйрете.


– Школада спорт булан нече яш машгъул ва спортну къайсы къайдалары юрюле?



Тренерлени инг жаваплы иши бар деп айтма сюемен. Олар оьзлени алдына гелеген гиччипавну йыллар булан уьйрете, натижалары сонг-сонг белгили бола. Шону учун да мен олагъа уллу гьюрмет булан янашаман. Спорт – чыныгъыв, къатты хасиятны тарбиялав, айрыча философия ва савлукъда яшав.




Гьали бизин спорт школагъа «чемпионлар гьазирлейген школа» дей. Айтмасдай да тюгюл. Мен оьрде эсгергенлеринден къайры да, бизин спорт школадан дагъы да чемпионлар чыкъгъан: Къаплан Абуков – тай боксдан Европаны чемпиону ва дюнья чемпионатда – алдынлы ерни къазанды. Расул Эшивов буса тай боксдан дюньяны чемпиону болду. Тутушуп ябушувдан да чемпионларыбыз ва алдынлы ерлени алгъан кочапларыбыз бар. Рамазан Арчиханов Али Алиевни турниринде ва Россияны чемпионатында уьчюнчю ерлени алды, Идрис Дукуев Дагъыстанны чемпиону болду ва август айда Россияны чемпионатына барма сайлангъан, ону булан бирге шо чемпионатгъа Абдулла Темирханов да бара. Ол да Дагъыстанны чемпионатында экинчи ерни алды. Оланы артындан гелегенлер де бар, олагъа ошама сюегенлени санаву дагъы да артыкъ. Спорт булан машгъул болма сюегенлени санаву эпсиз кёп ва барын да сыйдырма да болмайбыз. Бизге уллу спортзал гереги ачыкъ, тек гьалиге алышынагъан зат ёкъ. Биз бугюнлерде школа къургъан бинада, юртну алдагъы маданият къаласындабыз. 15 йыллар алда къаравсуз къалгъан юрт клубну ерли бажарывлу адам Абакар Абуков оьзюню харжына онгарды ва спорт школа этди. Шондан берли юртну яшлары шу спорт школада машгъул бола.


Спортну министри юртгъа мини-футболдан машгъул болмакъ учун майданча берме сёз берген. Гьали район администрация Ботаюртда ер гёрсетсе, шонда къурулув ишлер башланмакъ да бар. Тезде шо масъалагъа байлавлу районну башчысы Жанболат Салавов булан лакъырым болажакъ.



Бизин маълумат:


Алим Черкесов 1991-нчи йылда Ботаюртда тувгъан. Юртда 11 клссны битдиргенде, ол Магьачкъаладагъы аграр университетге охума  тюше. Сонггъу йылларда заочно, шо университетни инженерлер гьазирлейген факультетин ва Дагъыстан пачалыкъ педагогика университетни физкультура факультетин де битдире. Яшдан берли спорт булан машгъул. Башлап тутушуп ябушув булан машгъул бола ва Дагъыстанны чемпионуна ерли гётериле.Оьр охув ожакъгъа тюшгенде, Алим гюнтувуш ябушувланы жураларын уьйрене ва тюрлю-тюрлю ярышларда ортакъчылыкъ эте.


2012-нчи йылда микс-файт ябушувдан дюньяны чемпиону бола, 2013-нчю йылда микс-файт ябушувдан дюньяны кубогуна ес бола, 2014-нчю йылда буса тай боксдан Дюньяны чемпионатында 2-нчи ерни къазана.  2019-нчу йылны февраль айындан берли Ботаюртдагъы спорт школаны директору, район жыйынны депутаты.



 Гебек КОНАКБИЕВ

оьз мухбирибиз.

 

СУРАТЛАРДА: Ботаюртдагъы спорт школаны директору Алим Черкесов

гезикли ябушувну утгъан ва дюньяны чемпиону деген атгъа ес болгъан;

яшланы спорт школасында.



Количество показов: 137
16.08.2019 17:40
Подписывайтесь на канал yoldash.ru в

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта