Юзюмню къайтарыв ювукълаша



Белгили болгъаны йимик, Къаягент районну экономикасында юзюмчюлюк – аслу тармакъ. Шо саялы да республиканы юрт хозяйство ва ашамлыкъ мини- стерлигини касбучулары мунда кёп гелеген болгъан. Шо англашыла. Районда, юзюмню бавларда тюшюмюн къайтарыв кампания ювукълаша. Гьалиги гьалны билмек учун, биз «Къаягент» деген пачалыкъ унитар предприятиеде болдукъ.





Къаягент райондагъы чагъыр завод- ланы алгъанда, «Къаягент» деген пача- лыкъ унитар предприятиедеги чагъыр заводну юзюмлер ишлетеген цехи гьар йыл ишге гирише. Демек, татли емишни Къызларгъа ташытмас учун, заводну ёлбашчылары, къаягентлилер булан дыгъар байлап, юзюмню ишлетмеге мун- дагъы заводну цехине къабул этелер.


 – Арабызда байлангъан дыгъаргъа гёре биз цехни гьар йыл юзюмлени тюшюмюн ишлетивге гьазирлейбиз. Къызлардагъы коньяк заводну къуллукъ- чулары мунда гелип, бир айны узагъында ерли ва хоншу районларда оьсдюрюлген тюшюмню къабул этелер, – дей «Къая- гент» ГУП-ну директору Магьамматша- кир Алибеков. Биз олагъа ишчилер булан кёмек этебиз. Бу йыл, къызларлыланы айтывуна гёре, цех сентябрни 1-нде иш- лемеге башлажакъ. Оьсдюрген юзюмюн цехге гелтирмеге гьазир предприятие- лер, ижарачылар, далапчылар кёп бар.


 Къаягент районну юзюмчюлерине дер- бентли, гьайдакълы, къарабудагьгентли, сергокъалалы юзюмчюлер де гьар йыл къошула. Заводну ичиндеги цехни айланасын- дагъы тазалыкъ директорну инамлыгъын мекенли гертилей. Шогъар да къарамай- лы, биз юзюмлени тюшюмюн ишлетеген цехни ичине гирдик. Бизин цехни ишге гийиривге гьазирлевге жаваплы касбучу Загьра Ибрагьимова къаршылады.

 –Юзюм къысыв агрегатланы ва оьзге къуралланы гьазирлиги нечикдир? – Юзюм гелмеге башлангъанда цехни токътатмагъа ярамай. Шону гьи- сапгъа алып, биз гьар йыл юзюм къысыв пресслени, оьзге бары да кёмекчи къу- ралланы ремонт этивге, янгыртывгъа кёп тергев беребиз. Цех йылдан йылгъа яхшы бола. Шо ишде бизге Рамазан Темирхановну слесарларыны бригадасы кёмек эте.

Бу йыл да олар Къызлардан гелип 15–20 гюнню ичинде цех- ни ишлетивге гьазирли- гин тергедилер, яхшы къыймат да берип гетдилер. Сентябрни 1-нде олар къайтып гележеклер ва бизин булан бирге цехни ишлевюн таъмин эте- жеклер. Оланы ишине бек разибиз, дей З. Ибра- гьимова. Юзюм къайтарыв – бек жа- ваплы кампания. Къаягент районну юзюмчюлери гьар йыл 30–40 минг тон татли емиш оьсдюрелер.

Тек сав йылны узагъында тер тёгюп оьсдюрген юзюм- ню ишлетивде, сатывда, юзюмчюлер кёп четимликлеге къаршылаша. Шолай кемчиликлер булан бу йыл тез бишеген «Августин» ва оьзге сортланы ессилери кёп расланды. Оланы къарсалаву ан- глашыла. Базарларда емишни багьасы ёкъ, чагъ- ыр заводлар да юзюмню къабул этмей. Натижада, кёп къыйын тёгюп оьсдюрюлген тюшюмню бир пайы тас бола демеге ярай. Шо гьакъда «Къаягент» ГУП-ну ёлбашчылары болагъан кёмегин этмеге къасткъылды.

 Къызлардагъы коньяк заводну ёлбашчыларына юзюм цехни ишге гийиривюн бираз алгъа салмакъны тилеп кагъызлар язды, шо гьакъда республиканы юрт хозяйство ва ашамлыкъ министерлигине де билдир- дилер. Тек пайда болмады. Гележекде шолай кемчиликлени алды алынар деп умут этебиз. Белгили экени йимик Къаягент бойда юзюмню тюшюмюн масса кюйде къайта- рыв сентябрни 1-нде башланажакъ. Иш уьстде къаршылашагъан четим- ликлеге де къарамай, Къаягент районну бары да юзюмчюлерине татли емишни къайтарывда уьстюнлюклер ёрамагъа сюесен.

Авторизация
*
*
Регистрация
*
*
*
Согласны с условиями сайта?
Генерация пароля