«Тарки-тау – 2013» китапны абурун гётере»

Марат Гьажиев эсгерген кюйде, выставканы аслу мурады – яшёрюмлени китаплагъа бакъгъан гьаваслыгъын, оьсюп гелеген наслуну тарбиялавун ва билимин артдырмакъ.

ДР-ни печатгъа ва маълумат къураллагъа къарайгъан министрини заместители Миясат Муслимова китап выставканы гьакъында булай деди:

–Бу йыл оьтгерилген китап выставкада алда болмагъан кюйде ерли китап издательстволар чыгъаргъан китаплар гёрсетилгенден къайры да, Москвадан 4 ва Ростовдан 2 китап издательство оьзлени китапларын бизин охувчулагъа ва къонакълагъа малим этежек. Дагъыстан китап издательство буса 2012 – 2013-нчю йылларда яшлар учун чы­гъаргъан китапланы гёрсетежек. «Тарки-тау–2013» деген китап ярмакюде биз янгыз китапланы сатыв булан машгъул болуп къалмайбыз, язывчулар ва охувчулар бир-бири булан къатнасын учун да къаст этебиз.

ДР-ни милли китапханасыны директору Али Алиев билдирген кюйде, юртларда адабиятгъа ва тарихге багъышлангъан лекциялар охулажакъ. Шолай да, язывчулар Мария Семёнова, Александр Торопцев, Игорь Жуков ва адабият танкъытчы Евгений Коробков булан ёлугъувлар оьтгерилежек. Китап выставканы айланасында флешмоблар, спектакллер, «дёгерек столлар», конкурслар оьтгерилме гёз алгъа тутулунгъан.

Китап ярмакюню гьасиллерине гёре «Тарки-тау–2013» деген аслу премия, «Мавраевъ» деген китап чыгъарагъан уьйню хас премиясы «Лап яхшы китап», «Яшлар учун чыгъарылгъан лап яхшы китап», «Лап яхшы илму китап», «Лап яхшы художник-иллюстратор» деген номинацияларда уьс­тюн гелгенлеге тапшурулажакъ.

Патимат Бекеева.

Авторизация
*
*
Регистрация
*
*
*
Согласны с условиями сайта?
Генерация пароля