Дагъыстанда лифтлер чыгъарыла


«Къызлар электроаппарат завод» деген акционер жамияты адамлар ва юклер учун лифтлени оьзлер чыгъарма башлагъан. Олар 200 килодан башлап, 1,5 минг килогъа ерли авурлукъну гётерме бола. Заводну директору А.Рамазанов айтгъан кюйде, оьзлени ишинде олар лифтлер къурувда дюнья оьлчевде топлангъан сынавгъа аркъа таяп иш гёре.


«Бизин производство базабыз лап къысгъа болжалны ичинде адатлы къайдадагъы лифтлерден къайры, лап къыйын проектлени де яшавгъа чыгъарма имканлыкъ бере. Биз би­йик яшавлукъ уьйлер учун да, офислер учун да лифтлер этмеге болабыз»,– деген А.Рамазанов.


Бу завод лифтлер этмек учунгъу къуралланы Тюркиядан ва Италиядан ала. Оьтген йыл завод 17 лифт ишлеп чыгъаргъан. Аслу гьалда шолай лифтлер гьали янгы къурулушлардан толгъан Магьачкъалада къоллана. Ондан къайры да, завод Магьачкъалада лифтлер учун къолланагъан къуралланы офисин ачгъан ва тахшагьардагъы лифтлени ярашдырыв ишлерин таъмин эте.


Эсгерилген заводда буссагьатгъы вакътиде 200 ишчи Тюркияда касбу даражасын камиллешдирип загьмат тёге. Магьачкъаланы бийик уьйлериндеги лифтлер яшайгъанланы кёп авара этмей ишлежекге умут бар.


Бизин мухбирибиз.

Авторизация
*
*
Регистрация
*
*
*
Согласны с условиями сайта?
Генерация пароля