Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Инамлыкъ ясагъан умутлар уллу болур…

Инамлыкъ ясагъан умутлар уллу болур…


Пятница, 25.05.2018г. - "ЁЛДАШ".


Заманлар алышынгъан сайын, гетген девюрню яхшы янлары да арагъа чыгъа буса ярай. Тек ону яман янларын да айтагъанлар кёп табыла. Шолайлар оьзлер не буса да бир умутгъа таянып айтадыр деп эсинге геле. Яхшы янындан сёйлейгенлеге инанма сюесен. Неге тюгюл, гетген девюр – эсли наслу – яшавунда юрюген ёлну бир гесеги. Ону оьмюрюню тарих китабы деп айтса да ярай. Шо китап маънасыз болгъанны ким сюежек?


Озокъда, бизин къысматларыбыз уллу-гиччи ватанларыбызны яхшысы-яманы булан тыгъыс байлавлу. Оьмюрню гьар мюгьлетин белгилейген о буса да ярай. Белгили тюрк шаири Откай Рифат да айтгъанлай: «Эгер мени пашман къарай буса гёзлерим, огъар сенсен, азиз ватан, гюнагьлы…».


Башгъа сёзлер булан айтгъанда, бизин насипли этеген де, насипсиз этме болагъан да – биз яшайгъан эл, биз гьаллашагъан жамият. Инсангъа ата борчну кютеген ону уллу Ватаны буса, ана борчну кютеген – гиччи ватаны.


Гиччи ватаныбыз, шолай ананы орнун тутгъан сонг, ону тарихи де, гьалиги гьалы да бизден арек турма болмай. Биз о гьакъда кёп ойлашабыз. Алда ким эдик, гьали кимбиз? Уллу Ватанны да, гиччи ватанны да аралыкълары нечикдир? Бири бирин англаймы, бири бирине гьалалмы яда чарасызгъа бирче яшаймы?


Дагъыстан уллу Россия империясына къошулгъанлы, огъар бакъгъан якъда намарт болмагъан. Шамилни гьаракаты да, биринчилей, дагъыстанлылар эркинликни сюегенин англатгъан. Совет девюрде де Темиркъазыкъ Кавказ ва Дагъыстан Россиядагъы янгы яшав къурувну ёлуна тюшюп яшама башлагъанлы, уллу совет уьлкесини гёрмекли республикалары болуп бажаргъан. Уллу Ватан давну, ондан сонггъу йылларда да бизин халкъ, ябушуп да, ишлеп де билегенин гёрсетген. О гьакъда кёп заман сёйлеме бола. Тек гетген йыллар арек йылыша.


Токъсанынчы йыллардан сонг Дагъыстангъа къы­йынлы заманлар гелди. Ортакъ малны талама башла­гъанда, аридеги Москва осал «гёрегенинден» пайдаланып, бир тайпалар ишлейген халкъны оьтесиз бек ерге уруп, оьзлер байыкъма гиришди. Террорчулукъну питнеси къабунма башлагъаны да кёбюсю гьалда жагьиллени ишсизлигине гёре тувулунгъан эди. О йылларда производство, юрт хозяйство тармакъ оьтесиз бек кётюрленип, бирден барлыгъын токътатып къойса, ишсизлик къабунуп, адамланы ёкълукъ янчса, жамиятны ичиндеги гьал, озокъда, бузулар.


Буссагьатгъы вакъти адамлар къолай яшама башлагъаны ачыкъдан гёрюне. Ерли бюджет маяланы толумлашдырмакъ учун этилеген федерал кёмек де, гьар тюрлю проектлени яшавгъа чыгъарылыву да бизин республикагъа центр оьгей гёзден къарамайгъанны англата. Дагъыстанда, Каспийск шагьарда денгиз порт къурулажакъ деген хабарны эшитгенде де, бизин респуб­ликаны ватандашларыны кёбюсю рази къалгъандыр деп эсибизге геле. Неге тюгюл, уллу асгер гюч сакъланагъан регионлар оьзгелени арасында айрыча агьамиятлы болуп токътайгъан йимик гёрюне.


Шолай ерлеге пачалыкъ къарав да, озокъда, нечик буса да, айрыча болмаса бажарылмай. Россияны оьр гьакимиятыны янындан мекенли гьасиллер чыгъарып этилеген иш, Дагъыстанда денгиз порт къурулма тарыкъ деген ой да, гертиден де, республиканы ичиндеги гьал инамлы экенин гёрсете. Республиканы халкъына аркъа таяма ярайгъанын исбат эте деп эсиме геле.


Бир янындан, инанма ярайгъанны исбатлайгъан себеплер де тувулунду. 1999-нчу йыл, Ботлих бойда болуп гетген агьвалатлар, нечакъы да «бизге гелмесин» деген ишлер болса да, дагъыстанлыланы абурун эниш тюшюрмеди. Гётерди деп айтса да, тюз болажакъ. Халкъ гиччи ватанын сююп де, якълап да болагъанны ва уллу Ватанына да аминлиги барны гёрсетди. Миллетлени арасында татывлукъ барны да аян этди. Террорчулагъа къаршы жыйылгъан халкъ отрядларда къайсы миллет де оьзюню намусун кютдю.


Дагъыстанда гьалиги заманда чечилмеге тарыкълы масъалалар кёп. Оланы ёрукълашдырма болажагъына да адамлар инана. Шо инаныв халкъны бугюнюнден тангаласына элтеген сокъмагъы яда уллу ёлу буса да ярай.



Количество показов: 191
Автор: YOLDASH.news
25.05.2018 11:30

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта