Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Бардыр ону да бир яхшылыгъы…

Бардыр ону да бир яхшылыгъы…


яда Арз этмек – эрши къылыкъ, гьали де чи юрюле


Къайсы девюрде де биревню яманын гёргенмен, билемен яда эшитгенмен деп уллу гьакимге билдирегенлер болгъан. Ялгъан далиллер булан адамны яманлайгъанлар да болгъан. Тек шолай зараллы гьаракат юрютегенлер бир ерде де халкъ арада макъталмагъанны олар оьзлер де яхшы биле.


Бизин миллетни арасында олагъа гьар даим де «тилчилер», «арзачылар» деп ат да тагъып юрюле гелген. Шолай осал къылыкълы адамлар, гертиден де, бир-эки керен адам яман ёлгъа тюшюп юрюме башласа, арз этме уьйренчик болуп къала буса да ярай.


Арз этегенлени халкъ сюймейгенини себеби ачыкъ. Олайланы аччы тиллеринден яшавларыны бир гесегин пуч этип дюньядан гетгенлер де кёп. Абусупиян Акаев, Темирболат Бийболатов, Уллубий Буйнакский, Магьач Дахадаев, Жалалутдин Къоркъмасов, Багьавдин Астемиров ва башгъалары шолай терсликлени яманын гёрген.


Отузунчу йылларда бир-бир юртларда шолай иш юрютеген айрыча адамлар болгъан. Халкъ олагъа атлар такъгъан кюйлени де кёп маънасы бар – «Язма Ягьия», «Липа Салевдин», «Президент» ва башгъалары.


Гишини уьстюнден арз этегенлер о девюрлеге къыйышса да, гьалиги замангъа къыйышмай. Гьали адамны тюз тюгюл ишлерини гьакъында тувра ону бетине айтсанг арив гёрюне. Артындан сёйлемек эрши, эргишиге чи айрокъда.


Тюзюн айтсам, мен бугюнгю жамият арада яманлыкъ этейим деп «арз этегенлер» бар деп эсиме гелмей эди. Бир гезик мен оьзюн яхшы таныйгъан адам булан лакъыр этип турагъанда, огъар ишингде сагъа кёмек этегенлер бармы деп сорадым. Мен айтагъан адам «Къаягент» ГУП-ну директору Магьамматшакир Алибеков эди.


Ол бираз иржайып, кёмек этегенлер болмаса да, оьзюбюз амал этер эдик, четимликлер гелтирегенлер де, чатакъ салма сюегенлер де бар деди. Предприятиени ишлери тюзелмесин деп юрюй бирлери, шону булан, сайки, магъа яманлыкъ эте, деп де къошду.


– Не учун къаршы дагъы сагъа олар? – деп сорайман.


– Оьзлер айтгъан авлакълардан къоллама ерлер бермеген эдим. Берген бусам, хозяйствогъа зарал болажакъ эди. Бизге оьзюбюз къоллап турагъан ерлерден яда къоллама деп плангъа гийирген майданлардан гесек пайланы гьар кимге уьлешип турсам, ахыры не бола? Аз да тюгюл, кёп гектарлар сюе… Мени биринчи борчум – хозяйствону бугюнюню ва гележегини гьакъында ойлашмакъ, – дей Магьамматшакир.


«Къаягент пачалыкъ унитар предприятиеси» – Къаягент районда алдынлы хозяйстволаны бириси. Хозяйство гьар йыл дегенлей ишини гьасиллерине гёре райондагъы оьзге 8 де унитар предприятиени арасында уьчюнчю ерни алып юрюй.


Мен билеген кюйде, хозяйствода ёлбашчыны гьаракатчылыгъы да айрыча гёрюне. О гьакъда бизин газетде де кёп языла. Авлакъдан къайтарылагъан емишни оьзлер ишлетме кюй тапгъан. Юзюмню машинлер булан предприятиени заводуна гелтире,онда ишлетип, сыгъып чыгъаргъан сувун уллу цистерна машинлер булан Къызлардагъы коньяк заводгъа элтелер. Шоллукъда, тюшюмню сатагъан масъаласы да чечиле. Юзюмню ишлетеген булай завод республикада, мен билеген кюйде, дагъы ёкъ.Бар буса да, бир яда эки бардыр. Оьзлени тюшюмюнден къайры, предприятиени заводунда бир-бир хозяйстволарда жыйылгъан юзюмню де ишлетме бажара.


Магьамматшакир айтагъан кюйде, адамны уьстюнден арз этегенликни яман янларын ол толу кюйде сезген. Инг яманы – тергевлер гелгенде гёргенлени бир затлар эсине гелме бола. Ону учун да адамлардан уялып, башгъача пикрулагъа берилип турмагъа тюше. Бары да халкъны гёню бир йимик къалын болмай чы…


Къайсы ишде де тарыкъсыз тергевлер ёлбашчыгъа, ол таза буса, зарал этип чи болмай, тек ишине гьакъ юрекден янашагъанына зарал гелтирме бола. Ондан къайры да, токътавсуз уьстюне тюшюп язагъанлар болса, бардыр бир дынкъы, болмаса, тергевлер де кёп гелмес эди деп де ойлаша чы адам…


– Къачандан берли башлангъан бу сени ишинге четимлик салма сюегенлени гьаракаты? – деп сорадым хозяйствону директоруна.





– Инанмассан, тюшюп, артындагъы гюн башлангъан эди.

– Яхари бираз сама ишлейим, гьали нени тапма боласыз? – деп де масхара этдим олагъа, деп жавап берди ол.

Бир яманны бир яхшысы бола деп чи айтыла. Тюз буса да ярай. Тергевлер, балики, адамгъа иш башлап биринчи гюнюнден тутуп гелме башласа, айрокъда вёре сакъ бол деген ойну да унутма къоймайдыр. Ким биле, бардыр ону да бир хайыры…

Количество показов: 117
Автор: YOLDASH.news
21.09.2018 12:00

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта