XML имеет неверный формат

"ЁЛДАШ" ГАЗЕТ






ГИБДД-ни къуллукъчулары булан ёлукъгъан

ГИБДД-ни къуллукъчулары булан ёлукъгъан

     Ёлугъувну ача туруп, Дагъыстанны ич ишлер министри Абдурашит Магьамматов:
        – Бу ёлугъув айрыча ер тута, неге тюгюл о Магьачкъаланы ёлларында аманлыкъны сакълавгъа багъышлангъан,– деди.
Дагъыстанны парламентини председатели Хизри Шихсайитов оьзюню сёйлевюнде республиканы адамлар яшайгъан юртлардагъы ва федерал ёллардагъы гьал яхшылашгъан, Магьачкъалада буса къыставуллу кюйде къалып тура деген.
     «Тахшагьардагъы машинлени санаву кёп артгъан, уьстевюне биз де къыставуллу гьалгъа гёз юмуп къоябыз. Бугюн Дагъыстанда ДР-ни Президентини он приоритет проекти яшавгъа чыгъарыла. Эгер биз ватандашланы аманлыгъын сакълап болмасакъ, биз бир затны да башына чыкъма болмажакъбыз», – деген ДР-ни Халкъ Жыйыныны Председатели Хизри Шихсайитов.
      Сонг ол эсгергени йимик, закон бары да халкъгъа бир йимик, къуллугъуна ва чинине де къарамайлы, закон ёлну юрютмеге герек. «Къуллугъуну удостоверениелерине де къулакъасма тарыкъ тюгюл, бары да гьайдавчуланы бир йимик ихтиярлары бар», – деген парламентни спикери. Ол бары да ёл-юрюшню бузувларын СМИ-ден таба аянгъа чыгъармагъа герек деп де эсгерген.
Магьачкъаланы мэрини къуллугъун кютеген Муртазали Рабаданов ёл инфраструктураны гьалындан ва ёл-юрюшню къайдаларын сакълавдан бары да зат дегенлей гьасил бола деп айтгъан.
Вице-премьер Абусупиян Хархаровну пикрусуна гёре, Госавтоинспекцияны къуллукъчулары тахшагьардагъы ёлларда низам салывда «Безопасный город» деген проектни яшавгъа чыгъарыв хатабалагьланы хыйлы кемитежек.
Ёлугъувну ахырында Абдурашит Магьамматов оьзлени ишине тергев этгени саялы республиканы ёлбашчыларына баракалла билдирген.

Бизин мухбирибиз.
Количество показов: 382
27.09.2013 10:46
|
Рейтинг ()

Возврат к списку

Неверный информационный блок

  

























































AlfaSystems massmedia K3FN2SA