Республиканская еженедельная общественно-
политическая газета «Елдаш» (Спутник)
Меню DAG.news БЛОГОСФЕРА "ВРЕМЕНА" ПОЛИТИКА ЭКОНОМИКА ОБЩЕСТВО СПОРТ
Республиканская еженедельная общественно-политическая газета «Елдаш» (Спутник)
Жагьил агьлюлер учун енгилликлер этиле

Жагьил агьлюлер учун енгилликлер этиле

          Бу йылны июн айыны биринден, август айны 31-не ерли хас шартлагъа гёре жагьил агьлюлер учун яшавлукъ уьйлер алмагъа берилеген кредитлени оьлчевлерини багьасын банк тёбенлешдирген. Булай акция Сбербанкны Дагъыстан бёлюгюнде йылны ахыры болгъунча узатылажакъ деп билдирилген.
     Сбербанкны прес-къуллугъу билдирген кюйде, йылны башындан берли алынгъан 14 ипотечный кредитни яртысы «Жагьил агьлюлер» деген программагъа гёре берилген. Бу акцияда ортакъчылыкъ этме сюеген жагьил агьлюлени бирисине 35 йыл битмеген буса, эсгерилген акция булан пайдаланмагъа бола. Шолай да, бу акция булан пайдаланма болагъанланы арасында яшланы янгыз оьсдюреген аталар, жагьил аналар ва яшлары ёкъ янгы уьйленген жагьил агьлюлер бар.
Енгилликлени къадары акцияда ортакъчылыкъ этме сюегенлени банк булангъы аралыкъларындан да гьасил бола. Эгер де къоллавчу бу банкны алапа картасын къоллай буса, къошум енгиллик гёрсетилме имканлы. Шолай да, ипотечный кредитге берилеген биринчи взнос учун аналыкъ капиталны харжын къолламагъа имканлыкъ бериле.
Акцияны ортакъчылары Сбербанк жагьил агьлюлер учун гёрсетген башгъа енгилликлер булан пайдаланмагъа да бола. Эгер де кредит тёлейген вакътини ичинде агьлюде яш тувса, аслу борчну яшгъа 3 йыл битгенче артгъа салмагъа ва къошум жавапчылар гьисапда жагьиллени ата-анасын къуршама имканлыкъ бериле.

П. Бекеева.

Количество показов: 453
27.09.2013 13:35
|
Рейтинг ()

Возврат к списку




   МЫ В СОЦИАЛЬНЫХ СЕТЯХ:




















































         


AlfaSystems massmedia K3FN2SA