XML имеет неверный формат

"ЁЛДАШ" ГАЗЕТ



 
 




Адилликни айланасында сёз юрюлдю

Дагъыстан дин управлениесини къуллукъчусу Магьамматали гьажи Магьамматов оьзюню сёйлевюнде яшлагъа, охувгъа, билим алывгъа тергев берип, муаллимлери юрютеген дарслагъа жаваплы янашмагъа тюшегени гьакъда эсгерди. Сыйлы Къуранны аятларында да билимге, илмугъа айрыча янашыв барын, демек, билимли болмакъ гьар бусурманны да борчу экенин айтды.

Тамазатёбе юрт межитни имамы Гьабип Къурбансайитов да бугюнлерде жамият арада ёлугъагъан бир-бир терс ишлеге тергев берди. Жагьил адамланы янындан уллулагъа гьюрмет этивге, гиччилеге гьайлы янашывгъа, олай да бизин ата-бабаларыбызны мердешли адатларына аз тергев берилегенине талчыгъып сёйледи. Охувчу яшлагъа ата-анагъа абурлу янашмагъа, олар гёрсетген ёллардан тайышмайлы, мердешли ислам дин токъташдырагъан кюйде, янгыз оьзлеге тюгюл, бютюн жамиятгъа да зараллы ишлерден арек болмагъа чакъырды. Ислам парахатлыкъны дини экенин, о бир заманда да давгъа, адам оьлтюрювге чакъырмайгъанын ташдырды. 

Гелген къонакълар охувчу яшлар оьзлеге берген кёп санавдагъы соравларына толу ва тындырыкълы жаваплар къайтарды. Ёлугъув ону ортакъчыларына пайдалы, охувчуланы эсинде узакъ заман къалар йимик оьтгерилди.

 

 

 

Бэлла Гьажигелдиева,

Россияны журналистлерини

союзуну члени.

Количество показов: 209
29.12.2014 12:19
|
Рейтинг ()

Возврат к списку

Неверный информационный блок

  






   МЫ В СОЦИАЛЬНЫХ СЕТЯХ:

        

        В Facebook
     


В Instagram 


        В контакте
















         


AlfaSystems massmedia K3FN2SA