XML имеет неверный формат

"ЁЛДАШ" ГАЗЕТ






Маданият центр ачылды

Маданият центр ачылды

Россияны халкъларыны мердешли маният центрларын къурмакъны аслу мурады – маданият-тарих варисликни, халкъ яратывчулукъ саниятны сакъламакъ ва оьсдюрмек, оьсюп гелеген наслуну милли маданиятгъа къатнашдырмакъ.
Бугюнлеге ерли россия халкъларыны мердешли маданият центрлары хыйлы районларда ва шагьарларда ачылып ишлеп тура.
Октябр айны 3-нде буса Бабаюрт юртда да Россияны халкъларыны мердешли маданият центрыны ачылыву шатлыкъ чаралар булан оьтгерилди. Эсгерилген центр Бабаюртда 30 йылны узагъында къурулуп тургъан маданият къаласында ерлешдирилди.
Бабаюртда ачылгъан маданият центрны ачылывуна байлавлу шатлыкъ чараларда Бабаюрт районну башчысы Дадай Даветеев, Къызлар районну башчысы Андрей Виноградов ортакъчылыкъ этди. Бабаюрт районну башчысы Дадай Даветеев оьзюню сёйлевюнде бу центрда тастар ва хали сокъмагъа уьйретеген студиялар, милли гийимлени тикмеге ва макъамлар согъагъан алатланы гьазирлеме уьйретеген устаханалар тез арада ачылма гёз алгъа тутулгъанын эсгерди.
Гьалиге ерли буса маданият центрда краевед музей, инчесаният школасы иш гёре. Мунда гелген къонакълар Бабаюрт районну халкъыны маданиятын ва яшав-турушун аян этеген, уьй къуллукъда къоллайгъан алатлар, музыкалы инструментлер ва башгъа тюрлю кёп экспонатлар булан таныш болду.
Маданият центрны алдында Бабаюрт районну 15 юртундан милли майданлар оьзлени бийив-харсы ва татывлу милли ашлары булан жы­йылгъанланы къувандырып турду.

Марита Мугьатова.

Количество показов: 436
12.10.2013 08:41
|
Рейтинг ()

Возврат к списку

Неверный информационный блок

  

























































AlfaSystems massmedia K3FN2SA