Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Тергевчюлени гьазирлемек учун...

Тергевчюлени гьазирлемек учун...

Шо дыгъаргъа Дагъыстанны Сайлав комиссиясыны ёлбашчысы Магьаммат Дибиров ва адамны ихтиярларын якълавгъа къарайгъан толу ихтиярлы вакили Уммупазил Омарова къол салып тасдыкъ этди. Ачыкълашдырып айтгъанда, оьрде эсгерилеген шо къурум Россияны Пачалыкъ Думасына ва бизин республиканы парламентине депутатланы сайлавлагъа гьазирлик гёрювде ва шоланы оьтгеривде бирге чалышмагъа разилешивге етишди.

Адамны ихтиярларын якълавгъа къарайгъан толу ихтиярлы вакили Уммупазил Омарова айтгъан кюйде, оьзю ёлбашчылыкъ этеген къурум бизин республиканы Сайлав комиссиясы булан кёпден берли бирге чалыша.

– Биз бирге асувлу кюйде чалышмакъ учун тийишли шартлар яратмакъны гьайын этгенбиз. Гьали де шу къол салынгъан дыгъар бизин гьаракатыбызны асувлугъун артдырмакъ учун къошум имканлыкълар бережек. Биз ватандашлар сайлавланы оьтгеривге жаваплы янашгъанын къаравуллайбыз. Шону булан бирге сайлавлагъа инангъанын да сюебиз. Шо муратгъа етишмек учун инг алда адамланы ватандашлыкъ жагьлыгъын артдырмакъны чараларын белгилемеге ва шоланы яшавгъа чыгъармакъны ёлларын ахтармагъа тарыкъ, – деди ол.

Оьз гезигинде ДР-ни Сайлав комиссиясыны ёлбашчысы Магьаммат Дибиров къол салынгъан дыгъар оьрде эсгерилеген къурумланы бирге чалышывдагъы гьаракатын жанландырмакъ учун ёллар ачажакъ экенин айрыча эсгерди. Ондан къайры, Пачалыкъ Думаны ва Дагъыстанны Халкъ Жыйыныны депутатларын сайлавланы алдында шолай дыгъаргъа къоллар салмакъны агьамиятлыгъы гьакъда да айтды.

Шондан сонг жыйылгъанлагъа Да­гъыстан пачалыкъ университетни янында сайлавланы барышына тергев этеген центры гьакъда баянлыкъ берилди. Шо центрны ёлбашчысы Ислам Магьамматов билдирген кюйде, эсгерилген къурумну ишине къуршалгъанланы гьаракаты булан бугюнлеге ерли 900-ден де артыкъ жамият тергевчюлер гьазирленген. Гележекде де 2000 жамият тергевчюню гьазирлемек учун шо центрда шартлар яратылгъан. Жамият тергевчюлер гьисапда чалышмагъа иштагьлылар оьзлени билимлерин бизин республиканы тахшагьарында башлап, сонг оьзлер яшайгъан районларда камиллешдирмеге бола.

Арагъа салынып ойлашылагъан масъалагъа байлавлу политика партияланы, олай да жамият бирлешивлени вакиллери де оьз пикруларын малим этди.


Насрулла БАЙБОЛАТОВ.


Количество показов: 487
17.06.2016 12:06

Возврат к списку

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта