Сетевое издание «ЁЛДАШ» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Сетевое издание «Ёлдаш» (Спутник)

Тюп болмагъа ихтияры ёкъ

Тюп болмагъа ихтияры ёкъ



         Уллу Ватан давда бизин армиябыз, халкъ булан бирче амалгъа гелтирмеге болгъан Уьстюнлюк, гертиден де, савлай дюньяны халкълары учун да оьтесиз уллу ва гёрмекли агьвалат болгъанына инанмайгъанлар кёп аздыр. Олайлар да чы юреклеринден инана, тили башгъача сёйлей. Эгер де олар сени алдагъы къурдашларынг болуп чыкъса – тюзсюзлюк дагъы да аччы тие. Хоншудагъы Украинаны гьалиги гьакимлери юрютеген политика, шолай ойланы тувдурагъанындан къайры да, оланы хыяллары къара ва бек эрши экенни де исбат этип къоя.


Бирче ябушуп, къыйынлыкълардан бирче къутулуп, давдан сонггъу экономиканы, промышленностну, юрт хозяйствону аякъгъа тургъузувну йылларында сыкълашып ишлеп бажаргъаныкъ булар бары да онгсуз янындан багьа берме болурдай ишлер тюгюл чю. Тек Украинаны гитлерчилерден азат этген бизин асгерлеге тийишли абурну гери урма белсенгенлер. Ойлашагъан кюйде, оланы республикасын намарт Гитлерни нёкерлери елеген эди буса яхшы болажакъ эди. Бу политика, гертиден де, тюз тюгюл экенине оьзлер ичинден мюкюр болса да, океанны ари янындагъы «къурдашы» айтагъанны этмеге тарыкъны да унутмайлар.


Украина Американы Бирлешген Штатларына Россиягъа къаршы иш юрютмек учун инг тарыкълы ер буса ярай. Неге тюгюл, олар ойлашагъан кюйде, Россияны инг де ювукъ хоншусу Украинада, гьаракат этсе, орусланы ва украинлени арасына душманлыкъны ва питнени урлугъун яймагъа бажарылажакъ. Шондан пайдаланып, эки де къардаш уьлкелени арасындагъы дослукъну ёкъ этмеге болур. Украина оьзлени янын тутуп юрюсе, олагъа Россияны Советлер Союзун йимик бара-бара гиччи пачалыкълагъа бёлмеге имканлыкълар ачылажакъ. Ювукъгъа гелтирип асгер гючлерин ерлешдирмеге болажакъ. Бир-бирине кисдирмек учун буса Уллу Ватан давда бирче етишген Уллу Уьстюнлюкню гьасиллерине башгъача, терс къарав яратмагъа тарыкъ. Шону душманлар онгайлы гёре буса ярай.


Иш ишге тюшсе, Украинаны халкъы къазапланма болажагъын олар, мени гьисабымдан, унута. Неге тюгюл, гьалиги гьакимлерини бир тайпасы, америкалы «къурдашларына» сатылса да, бирлери олагъа инанып иш юрютмеге де бола. Олагъа инаныв буса йыл сайын кемийгени аян бола геле. Гьона Тюркия, Сауд Арабстан астаракъ Россияны англай барагъанын гёрсете тура. Оьзге пачалыкъланы да кёплери олар йимик гележекге тюз план къурмагъа уьйренир бугъай. Тек Англия, Франция, Германия хоншусу Украина – Чехословакия, Югославия йимик бирлигин тас этип бёлюнгенин сюежек. Олагъа тарыкъмы, къырыйында оьзлер булан тогъатартмагъа болурдай, халкъы да, онгайлыкълары да бар пачалыкъ. Украина экиге, уьчге бёлюнсе – олагъа яхшы.


Уллу Ватан давда Украина Россия йимик къыйынлыкълар гёрген экени белгили. Давдан сонггъу йылларда совет гьукуматы Украинаны Россиядан сонг биринчи уллу уьлке этип къурмакъ учун да кёп гьаракат юрюте эди. Неге тюгюл, Украина, Белоруссия – Россиягъа къардаш уьлкелер. Тондан гёлек ювукъ деп негьакъ айтмай. Не билсин о замангъы гьакимлер оьзлени яхшы ишлери артда бир заман оьзлеге яманлыкъ гелтирежекни… Къардашланы арасында да душманлар тувулма бола чы. Ёкъму олай болгъан гезиклер…


Заманлар нечик айланса да, Уллу Ватан давну гьасиллерине оьзге къарав булан тёре гесмеге бажарылмас. Неге тюгюл эсе, заманлыкъгъа осал болса да, герти ялгъангъа утдурма болмай. Гертини бирлейине де тюп болма ихтияры ёкъ.

 



Количество показов: 30
Автор: YOLDASH.news
29.11.2019 16:45
Подписывайтесь на канал yoldash.ru в

Возврат к списку


Добавить комментарий

Актуальные новости









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта