Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Къаягент районда «Ёлдашгъа» тергев етишмей

Къаягент районда «Ёлдашгъа» тергев етишмей


Ана тилибизни булакълары къайдан башлана? Озокъда, къумукъ ожакълардан, агьлюлерден баш алмагъа тюшегени гьакъ. Шолайлыкъда, оланы яшав отавлары булан ясли бавларда, охув ожакъларда жамият ва пачалыкъ къурумларыбызда амалгъа гелеген агъымланы гележекдеги къысматы оьмюрлюкге байланар. Айтмагъа сюегенибиз, къумукъ тилде чыгъарылагъан «Ёлдаш» деген жамият-политика газетибиз де оьзюню тарихинде ана тилибизни аслу къуралларыны бириси гьисапда асру боюнда кёп къадардагъы охувчуларына ташдыра гелген.


Тек гьалиги замандагъы язылывгъа байлавлу гьал шо гьакъда разилик булан эсгермеге бизге имканлыкъ бермей. Оьзге районларыбыздагъы натижалар булан тенглешдиргенде Къаягент районда язылывну масъаласына толу тергев етишмейгени ачыкъ болуп гёрюне. Шолай гьал не себеплерден тувулуна, огъар ким гюнагьлы ва шолай да осаллашгъан талапланы нечик алдын алма бажарыла деген тюрлю-тюрлю соравлар тувулуна.


Гьалиги заманда районда «Ёлдашгъа» язылывну умуми къадары 300-ден къолай тюгюл. Шону авадан пайына, 200-ге ювугъуна райондагъы билим берив тармакъны башчысы Мурат Рашитовну гьаракаты, гьайлы янашыву булан юртлардагъы муаллимлерибиз языла.


Савлукъ сакълав тармакъда ишлейген 500-ге ювукъ медицина къуллукъчуланы 300-ге ювугъу – къумукълар. Тек оланы «Ёлдаш» газетине язылыву гьакъда разилик булан айтмагъа бажарылмай. Неге десегиз, язылагъанланы санаву алда 30 бар эди буса, гьали бирев де жан азыгъына язылмай.


Тек, шогъар да къарамайлы, газетибизде эки де тармакъны яшаву, райондагъы халкъланы яшав-турушуна, кютюлеген къуллукъларына байлавлу макъалалар аз печат этилинмей. Райондагъы хас мухбирибиз Магьамматрасул Ибрагьимов йибереген гьар тюрлю тармакъланы къуршайгъан агьамиятлы макъалалар туташ печат этилегени гьакъда эсгерме тюше. Шону булан дазуланмайлы, охувчулар да, газетни коллективи булан бирликде, гележекде язылывгъа байлавлу гьаракатны да бошамагъа къойма тюшмей.


Къаягент районну агропромышленный тармагъындагъы юрт хозяйство предприятиелени башчылары да алдагъы кююнде къошумун болдурса, язылыв 500-ден кем болмас эди. Тек, не этерсен, артдагъы язылывгъа Къаягент ва Гьюсемегент, Оьтемиш ГУП-лардан директорлары къол ялгъаса тюгюл, оьзгелерини янындан «Ёлдашгъа» лайыкълыкъ етишмей.


Районну башчыларындан да гьалиги заманда язылыв бир къадар тергевню талап эте. Мисал учун айтсакъ, Къаягент районну башчысы Магьамматэмин Гьажиев шо масъалагъа байлавлу оьзюню заместителлери Ольга Ибрагьимовагъа ва Умар Умаровгъа тапшурувлар бере бола... Тек не этерсен, олар булан бир болуп иш юрютегенибизге де къарамайлы, язылагъанланы сыдыралары артдагъы бир нече йылны ичинде толумлашмай къала. Айтмагъа сюегеним, язылывну натижаларын къолайлашдырма муштарлы бусакъ, район башчыланы янашывуна да аркъатаяма тюше. Къаягент районда Мурат Шихсайитов башчы болуп ишлейген йылларда язылагъанланы санаву 1 мингден кем болмай эди. Илмутдин Гьамзаевни вакътисинде 600-ге тюшдю. Бара-бара шо санав 400-ден де тёбен гетме башлады. Гьасили, гьаким оьзю берген тапшурувну яшавгъа чыгъарывда барышын ва натижаларын тергевню гьисапгъа алса да, язылывгъа асувлу кёмек болур эди. Шу ерде мен гьар къумукъ юртдагъы артдагъы язылывну натижаларын аян этмекни тюз гёремен.


Алда 200 газетге язылагъан мени юртлуларым Гьюсемегентни охувчулары 23-ге тюшген. Къумукътюзде лап да уллу юртларыбызны бириси Къаягентде де 200-ден охувчуларыбыз 168-ге кемитилген. Башлы юрт администрациягъа гиреген уьч де юртда – Тёбенгентде, Гьапкъайгентде ва Жавангентде 32 охувчу тюгюл къалмагъаны да ичингбушдура.


Хоншудагъы Гьайдакъ районгъа гиреген халкъы Башлыныкинден эсе беш керен аз. Янгыгентде буса язылагъанлар 60 бар. Шо да юрт администрацияны башчысы Пашабек Мутаевни гьаракаты булан къолда этиле. Тюзю, мунда да алда язылывну натижалары 150-200-ден кем болмай эди. Оьтемишде – 42, Къаранайавулда – 27, Алхожагентде – 21, районцентр Янгы Къаягентде –12, Избербаш шагьарда буса 3 охувчубуз тюгюл ёкъ.


«Ёлдашны» 100 йыллыгъына байлавлу шатлы юбилей жыйында Къаягент районну делегациясын алып гелген Умар Шагьбанович язылывну натижаларын 500-ден кем болма къоймажагъы гьакъда инандыргъан эди. Тек шондан сонг да райондагъы охувчуларыбызны санаву 400-ден оьтмей турагъаны барыбызны да язылывну асувлу ёлларын ахтарма борчлу эте. Шону гьисапгъа алып, бу гезик бизге де райондагъы юрт хозяйство управлениесини башчысы Бийболат Исмайыловгъа ва юрт хозяйство предприятиелени директорлары булан тыгъыс байлавлукъда иш гёрме тюшегени англашыла.


Газетни коллективи учун лап да жаваплы борч – гьалиги замандагъы айлана ягъыбызда тувулунагъан талапланы гьисапгъа алып, гьар тюрлю политика, экономика, милли, дин, спорт, экология, савлукъ сакълав, маданият темалагъа байлавлу тарихибизни де гёзден гечире туруп, чакъда-чакъда лакъырлашывлар, колонкалар-тапкъырлар, ой къурув комментарийлер-англатывлар бермекдир.



Количество показов: 138
Автор: YOLDASH.news
29.11.2018 12:00

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта