Сетевое издание «ЁЛДАШ» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Сетевое издание «Ёлдаш» (Спутник)

Къоллавчулар къуру къалмасын учун

Къоллавчулар къуру къалмасын учун



Ер юзюнде гьар къайсы девюрде де къайсы пачалыкъны алсакъ да, эл, халкъ арада къурувчуну санияты лап да къыйматлы болуп гелгени белгили. Озокъда, шону учун къурувчулагъа загьмат тёкме онгайлы шартлар, айлана якъда парахатлыкъ болмаса, алда токътагъан борчлары толу кюйде яшавгъа чыгъарылмай, къоллавчуланы янындан разисизликлер артып тербей.


Белгили болгъан кююнде, 2019-нчу йылны башына таба савлай Россия оьлчевюнде алгъанда, 600 минг гьар тюрлю талаплар учунгъу къурулуш объектлер-биналар оьз заманында пайдаландырывгъа берилмей, къурулуш ишлери ярты-ярым къалгъаны аян этилинген. Шо кёпмю яда азмы?


Заманында пайдаландырывгъа берилмей къурулуш ишлери ярты- ярым къалгъан ишлени акъчагъа айландырсакъ, шо санав 4 триллион манатдан кем тюгюл. Гьалиден бир йыл алда буса шо санав 2,5 триллион эди. Демек, арадан оьтген артдагъы йылны ичинде де шолай уллу оьлчевдеги гьар тюрлю бюджетлерден, инвесторланы-маячыланы янындан айырылгъан харжлар талам-такъыш болуп ёкълангъан.


Ери гелгенде эсгермей къоймагъа ярамай, СКФО-гъа гиреген регионларда ишлер туварылып къалгъан объектлени толу кюйде аякъгъа тургъузуп пайдаландырывгъа бермек учун, азындан, 300 миллиардгъа ювукъ акъча маялар тарыкъ.


Уьлкебизни тахшагьарында да ишлер туварылып, маялар таланып токътагъан объектлени яшавгъа къайтармакъ учун 1 триллион манат акъча тарыкъ экени токъташдырылгъан. Ону къайдан алма герек? РФ-ни Гьисап палатасыны ёлбашчысы Алексей Кудрин таклиф этеген кююнде, регионлагъа шолай къурулушланы яшавгъа къайтармакъ учун федерал бюджетден акъча маяланы янгыдан белгилемек Конституциягъа къаршы чыгъыв бола.


Бу йылны башында ДР-ни Халкъ Жыйыныны гезикли сессиясында ва Дагъыстанны телерадикомапаниясында «Яшавлукъну шартлары» деген берилишде де шо гьакъда ачыкъдан эсгерилмей болмады. Неге десегиз, бу йылны башына таба Дагъыстанда да гьар тюрлю талаплар учун къурмагъа гёз алгъа тутулгъан объектлени 300-ге ювугъунда къурулуш ишлер туварылып-токъталып къалгъан. Акъчагъа айландыргъанда шо да 28 миллиард манатдан кем болмай. Эсгерилген объектлерде ишлер токъталгъанлы арадан 8-30 йыллар оьтюп турагъаны гьакъда да айрыча эсгермеге тюше.


Айырып айтсакъ, билим берив тармакъда 3 миллиард манат бюджет маялар талам-такъыш болуп 66 объектде ишлер ярты-ярым къалгъан. 3,6 миллиард манат савлукъ-сакълав объектлени харжындан ёкълангъан.


Кёп йыллыкъ сынавну натижалары аян этеген кююнде, ЖКХ-(яшавлукъ-коммунал тармакъ) лап да яман коррупциягъа дёнген тармакъ санала. Айтмагъа сюегеним, Да­гъыстанда ЖКХ-тармакъда 9 миллиард манатны оьлчевюнде ягъарлыкъ газ, сув тартылмай, ёллар, орамлар ярашдырылмай пачалыкъ программалар учун белгиленген бюджет маялар талавургъа тарыгъан.


Гьалиги заманда савлай уьлкебизде йимик, Дагъыстанда да къоллавчуланы, маячыланы яшавлукъ уьйлер учун гьар тюрлю компанияланы янындан жыйылагъан акъча маялар уллу оьлчевлерде талам-такъыш болгъан. Тюзю, арт вакътилерде пачалыкъны ва республикабызны башчыларыны янындан кемчиликлени алдын алмакъ муратда оьтгерилеген чаралар тергевню тартмай болмай.


Биринчилей, бу йылны башындан тутуп савлай уьлкебизде йимик Дагъыстанда да къурулуш учун бюджетлерден алынагъан, къоллавчулардан жыйылагъан акъча маяланы тувра компаниялагъа тапшурмайлы, пачалыкъ аманат банкдан таба пайдаландырмагъа башлады. Неге десегиз, къурулуш ишлени оьтгермеге башына алагъан тайпалар бюджет маяланы ва шолай да маячыланы харжларын къоллавчуланы талапларын артгъа тебере, багъалы машинлер, техника алып, офислер къуруп дегенлей, оьзлени пайдалары учун онгайлыкълар яратагъаны белгили болгъан.


Муна шо саялы да, къурулуш тармакъда къаршылашагъан кемчиликлени алдын алывда пакарсызлыкъны ёрукълашдырывда такъсырлав булан тамамланмайлы, биз уьстде эсгерген йимик, пачалыкъны ва халкъны пайдаларын якълайгъан асувлу къайдаланы ахтармагъа ва тангламагъа тарыкъ бола.


Экинчилей де, къоллавчулар умутларындан къуру къалмасын учун къурулуш тармакъда ялгъан булан «чалышагъан» компанияланы алдына толу кюйде чатакъ салма заман болгъан.



Количество показов: 159
Автор: YOLDASH.news
16.08.2019 16:40
Подписывайтесь на канал yoldash.ru в

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта