Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
 Минаханым Кишиева: «Тынглагъанман дюньяма»

Минаханым Кишиева: «Тынглагъанман дюньяма»

   

Пятница, 27.04.2018г. - "ЁЛДАШ".

 

Гьалиги тойну

алдында


 

Гьазирлик гёрегенлер

Яхшы сагьатгъа – тойгъа.

Макъамлагъа етгенде,

Тюшелер терен ойгъа.


 

Къартлар аргъанны сюе,

Жымырлата деп къанны.

Жагьиллер «оркестр!» дей,

Эсгик гёрюп аргъанны.


 

Ата-бабаларыбыз

Атышып ашай гетген.

Агъачкъомуз булан да

Татывлу тойлар этген.


 

Гьали бийиме къыйын

Алтынлагъа сюрюнмей.

Алтынгъа сатылгъанмы –

Агъачкъомуз гёрюнмей!


 

Тойда токътавсуз ява

Акъчалар, аллар-гюллер,

Тек кимни йырын йырлар

Къошулагъан гёнгюллер?


 

Бир жан бир жангъа ярап,

Йырламаса бир кюйге,

Накъыра-зурнай явса да,

Гюн чыгъармы шо уьйге?

Биринчи учителим


 

Анамдан сонг биревге

Мени борчум бар хыйлы –

Биринчи муаллимим

Магъа бар халкъдан сыйлы.


 

Акъны-гёкню айырма

Сен уьйретгенсен магъа.

Къасткъылып, къалам берип,

«Абайым» деп язмагъа.


 

Берип билим, тарбия,

Сен салдынг тюз ёллагъа.

Шо саялы оьлгюнче

Борчлу къалгъанман сагъа.


 

Сен салгъан кюрчюлени

Уьстюнде къала къурдум.

Сагъа ошама сююп,

Мен де муаллим болдум.


 

Сен билим берген яшлар

Бирлер заводлар къура.

Бирлери учуп кёкге,

Айгъа ёл салма тура.


 

Бирлери Игит атны

Алды Ватанын якълап,

Унутмай насигьатынг,

Ягьын-намусун сакълап.


 

Бирлери халкъы учун

Янгылыкъланы ача.

Сен берген билимлени

Илму урлугъун чача.


 

Бирлери кочап болуп,

Сав дюньягъа белгили.

Бирлери авлакълардан

Гелтире мол гелимни.


 

Бирлери танкист болуп,

Дазу бойларда къата.

Бирлери артист болуп,

Элни, халкъны йыбата.

 


Болуп уллу эмчилер,

Бирлери аврув багъа.

Сен охутгъан яшларынг

Алгъыш тилейбиз сагъа.


 

Пакарсыз девюр


 

Ойлап къавшалгъан башым

Салып талгъан аяма.

Хабаргъа тынглайгъандай,

Тынглагъанман дюньяма.


 

Бирев сенден бет ташлай,

Бирев бакъдыра хырын.

Юрексиз бу девюрде

Кимге чечерсен сырынг?!


 

Онда – оьлюмден оьлюм,

Мунда – урудан уру...

Юрюмейген акъчадай

Герти сёзню абуру.


 

Сен табулдунг


 

Сёнюп битген гёзлеримни тюбюне

Юрегингни ярыгъындан нюр ташлап,

«Ярыкъ гюнюм сенсен мени», – деп айтып,

Гёз ачгъанда сен табулдунг инг башлап.


 

Аналаны аяйман


 

Аналаны гёнгюн мен бек аяйман

Яшларына бозарагъан телмирип.

Балалары даим яш кюйде къала,

Къарт болса да, башларына акъ гирип.


 

Оьмюр бою аналаны тилевю –

Балагьлардан сакъласын деп баланы.

Яшлар учун чинк де уллу насипдир

Алгъышларын алып турмакъ ананы.


 

Сюер эдим дюньядагъы аналар

Яшларына даим алгъыш этгенни.

Агь чегеген аналаны къаргъышы

Сюер эдим яманлагъа етгенни.


 

Беш де яшым


 

Беш де яшым – гёзюм, къашым,

Беш сююнчюм, беш дертим.

Беш де яшым – къаным, жаным,

Алты саным, негетим.


 

Беш де яшым – къантамурум,

Юрегиме урагъан.

Беш де яшым – мени гьавам

Тыныш алып турагъан.


 

Беш де яшым – беш бармагъым,

Къолларым ишлетеген.

Гьар макътавлар Тенгириме

Бешигизни де берген.


 

Къартлыкъдан къачаман


 

Оьмюр бою къонакъ гёзлей къалгъанман,

Кимге де мен сююп къапум ачаман.

Тек къоркъаман къартлыкъ къакъса къапумну,

Гёрме сюймей ону тез-тез къачаман.


 

Оьмюр бою шо ачылгъан къапулар

Къартлыгъымдан къоркъуп энни ябула.

Гелмесин деп нече кирит урсам да,

Къартлыкъ менден алда гирип табула.


 

Уьйге гирип, тёрге чыгъып олтура,

Ойлашмайлы оьзю этген тарлыкъны,

Не этсем де гетмежегин билгенде,

Къабул этме тюшдю магъа къартлыкъны.


 

Мен къартлыкъны къабул этип алсам да,

Огъар гёре бойсынса да терегим,

Санларымны бир-бир этип сёксе де,

Тек къартлыкъгъа къайпанмай гьеч юрегим.



Дагъыстанны ат къазангъан муаллими Минаханым Кишиеваны поэзиясы булан охувчуларыбыз тезден таныш. Ону янгы шиъруларын сизин тергевюгюзге бе­ребиз.

 

Адабият бёлюк.




Количество показов: 298
Автор: YOLDASH.news
27.04.2018 12:40

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта