Белгили къумукъ алим Абдурагьим Къандавуров 1938-нчи йылда тувгъан. Ол Ленинград университетни гюнтувуш уьлкелени тарихин ахтарагъан факультетин битдирген сонг 1977-нчи йылда илмулагъа кандидатгъа диссертация якълай. Алимлик ишине: «Суданны ишчи класыны ва компартиясыны 1946–1956-нчы йыллардагъы эркинлик учунгъу гьаракатда гёрсетген къыйматы», – деп айтыла болгъан.
1990-нчы йылда Къандавуров илмуланы докторуна диссертация да якълай. Онда да ол Судан республиканы тарихи ёлларын ахтара. «Судан-Египет аралыкълар» деген теманы айланасында язгъан илму иши учун огъар доктор деген ат бере. Эки де диссертацияны Москвада Гюнтувуш ахтарыв институтунда якълай.
А.Къандавуров Египет, Судан тыш уьлкелерде, СССР-ни илму академиясыны Дагъыстан филиалында, Дагъыстан педагогика университетни арап тил кафедрасыны заведующийи болуп ишлеген. Къумукъланы тарихин ахтарып китап язгъан. Сыйлы Къуранны къумукъ тилге гёчюрген.
