Журналистлер булан ёлугъув

Март айны 22-синде «Ачыкъ гьакимлик» деген проектни оьлчевюнде ДР-ни Гьукуматыны Председателини биринчи заместители Анатолий Карибов булан прес-конференция болду. Ёлугъувда «Адамлыкъ капитал» деген проектни яшавгъа чыгъарывгъа байлавлу лакъыр юрюлдю.


Республиканы Гьукуматыны Председателини биринчи заместителини сёйлевюнде проект­ни оьлчевюнде янаша 83 проект яшавгъа чыгъа­рыла. Шо ишге де 6 министерлик ва ведомство къуршалгъан.


– О – савлукъ сакълавну, билим беривню, спортну ва бары да яшавлукъ блокну къуршагъан уллу проект. Мисал учун, шо проектни оьлчевюнде маданият масъалаланы чече туруп, Тохо-Години атындагъы музейни ишге салдыкъ. Ону оьлчевюнде гележекде янгыртыв чаралар оьтгерме гёз алгъа тутгъанбыз. Шо ёлда Россияны халкъларыны 300 мердешли маданият центрлары ачылгъан, – деди А.Карибов.


Ол эсгерген кюйде, билим берив тармакъда да яхшы натижалагъа етишилген. Республикада бир нече янгы школа ва школа чагъына етишмеген яшлар учун идаралар ачылгъан. Алда школаларда 3 сменада яшлар охуй эди. Шолай республикада 18 школа болгъан буса, гьали оланы санаву аз болгъан. Бу йыл дагъы да 4 школада шолай гьалны тайдырма сюебиз. Олай да, школаларда дарс беривчюлени загьмат гьагъын артдырмакъ деген масъалагъа да май айда къаралажакъ.


–Савлукъ сакълав тармакъда да адамланы оьмюр чагъын артдырма ва врачланы, орта ва тёбен медицина персоналны загьмат гьакъларын артдырма имканлыкъ болду. Бу йылгъа биз «Адамлыкъ капитал» деген 32 проектни оьлчевюнде, загьматгъа ва яшавлукъ оьсювге къарайгъан министерликге 7 проектни, физкультурагъа ва спортгъа къарайгъан министерликде 3 проектни, савлукъ сакълав министерликде 2 проектни ва башгъаларын гёз алгъа тутгъанбыз, – деди Гьукуматны Председателини биринчи заместители.


Анатолий Карибов журналистлени соравларына жаваплар да берди. «Ёлдаш» ва «Гьакъы­къат» газетлени 100 йыллыкъ юбилейин оьтгермек учун гетген йыл июн айда берилген арзаны къысматына къараламы деген соравгъа ол:


–Шолай масъалалагъа къаралма тийишли. Мен дагъы да шо масъаланы гётерермен, – деп сёз берди.


А. Гьамзаев.

Авторизация
*
*
Регистрация
*
*
*
Согласны с условиями сайта?
Генерация пароля