Халкъара турнир



Август айны 5-6-сында окъ-жая атагъанланы экинчилей  халкъара турнири оьтгерилди. Къазбек районда юрюлген шо турнирде ­янгыз бизин уьлкеден тюгюл, ювукъда ерлешген тыш пачалыкълардан гелген спортчулар да ортакъчылыкъ этди.


«Чилле ёл» деген окъ-жая атагъанланы республика федерациясыны ёлбашчысы Жанболат Магьтибеков бизге билдиргени йимик, Зубутли-Миатлылы Шамардан Салимагъаевни эсделигине багъышлангъан шо турнирни барышында, умуми кюйде алгъанда, 140-гъа ювукъ спортчу  тогъатартды. Гьар заманда йимик, бизин республиканы районларында иш гёреген окъ-жая атагъанланы клубларыны вакиллери турнирни вакътисинде юрюлген сынавларда оьзлени айрыча  усталыгъын гёрсетмеге бажарды. Шоланы 8-нде алдынлыкъ да алды.


Ачыкълашдырып айтгъанда, Магьаммат Магьамматов, Абдулла Гьасанов, Абдурашит Магьамматов, Умахан Абдуллаев, Рамазан Омаров, Насрутдин Минатуллаев, Хамза Магьтибеков ва Магьамматарип Мирзаев  турнирде биринчи ерлеге лайыкълы болду. Олар булан тогъатартгъан Ставрополь крайдан ва Москвадан гелген спортчулар да окъ-жая атывда айрыча гьюнер гёрсетди.

Авторизация
*
*
Регистрация
*
*
*
Согласны с условиями сайта?
Генерация пароля