Хоккей ойнайгъан къумукъ улан


Сочи шагьардагъы «Айсберг» деген спорткъалада хоккей оюндан 14 йыллыкъ яшланы арасында Россияны федерал округларыны чемпионаты оьтгерилген. Центральный федерал округуну жыйым командасы шо ярышларда тогъуз команданы арасында биринчи ерни къазангъан.



Шо командада чапгъынчы болуп Подольск шагьарны «Витязь» деген командасына къуршалгъан бабаюртлу Абакар Къазбеков ойнай. Ол оьтген турнирде 4 гол гийирген.



– Сочи шагьардагъы ярышларда Россияны бары да округларыны командалары ортакъчылыкъ этген эди. Мени уланым Завурну уланы Абакар шонда оьзюн яхшы якъдан гёрсетме болгъанына бек сююндюм. Мен шонда ол ойнайгъан команданы бары да оюнларына къарадым ва леззет алдым, – дей яш хоккеистни уллатасы Гьажи Къазбеков.



Абакар Москвада ва тышда оьтгерилген халкъара турнирлерде де яхшы ойнайгъанланы арасында кёп эсгерилген ва савгъатлагъа ес болгъан.



Бу ярышланы алдында РСФСР-ни ат къазангъан тренери Валерий Шиловну эсделигине оьтгерилген турнирде бабаюртлу къумукъ улан «Инг де яхшы ойнайгъан хоккеист» деген савгъатны да къазангъанын эсгерме тийишли гёремен. Москвада яшайгъан бабаюртлу Къазбековланы агьлюсюнде уьч агъа-ини Гьажи, Абакар ва Мугьаммат хоккей ойнайлар.



Абакаргъа хоккейде дагъы да уллу уьстюнлюклер ёрайбыз.



Авторизация
*
*
Регистрация
*
*
*
Согласны с условиями сайта?
Генерация пароля