– Бизин уьлкеде ведомствода тюгюл къуллукъ 1952-нчи йылда ачылгъан. Бу бёлюкню аслу борчу – бизге берилген объектлени, адамлар яшайгъан абзарланы ва квартирлени къоруп сакъламакъ. Дыгъар булан биз юзден де артыкъ квартирлени, тюкенлени ва башгъа идараланы гече де, гюн де сакълайбыз. Айтагъаным, бары да объектлер хас пункт булан байлавлу ва гьар ахшам оланы къабул этебиз.

– Сиз сакълайгъан объектлеге гьар-бир яндан къоркъунчлукъ тувулунмакъ бармы?

– Шо объектден бизин центргъа сигнал гелгендокъ, 2–7 минутну ичинде бизин савутлангъан группабыз етишме бола. Шону учун автотранспортубуз, техника алатларыбыз ва савутубуз бар.

– Сиз сакълайгъан объектлер нечакъы гьакъ тёлей?

– Квартирлени есилери бизге айда 516 манат тёлейлер. Тюкенлерден ва оьзге тюрлю офислерден сагьатгъа 10 манат алабыз. Квартирлени ичинде сигнализацияны ва башгъа тюрлю аппаратураланы биз гьакъгъа салабыз.

– Бугюнге сизин къаравугъузну тюбюнде нече объект бар?

– 150-ден оьтген. Айтагъаным, дагъы да алма бизин имканлыкъларыбыз бар.



– Бёлюкде яхшы ишлейгенлени де эсгерсегиз.

– Бизин бёлюкде олайлар аз тюгюл. Оператор Хадижат Магьамматова 1974-нчю йылдан тутуп ишлей. Мени заместителим майор Гьажимурат Сулейманов, майор Камал Магьамматрасулов, ротаны командири Шагьбан Алиев, взводну командири Борис Жумакъаев, централизованный пунктну дежурныйы Арсен Алиев, оператор Хурмани Алхазова айрыча намуслу ишлейген къуллукъчулардан санала.

Измулла ГЬАЖИЕВ.

Суратда: М. Моллакъаев (онгда).

Автор чыгъаргъан сурат.