Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)

Къазахстанда билим алмагъа имканлыкълар бар



        Артдагъы 15-20 йылны узагъында «Тенглик» деген къумукъ милли гьаракатыны советини сиптечилиги ва таклифи булан школаны битдирип чыкъгъан къумукъ яшлагъа билим алмакъ учун онгайлы шартлар болдурулуп геле.


Шо муратланы яшавгъа чыгъара туруп, Къазахстанны Тюркестан шагьарындагъы белгили философ ва уллу алим Хожа-Агьмат Ясавини атындагъы халкъара къазах-тюрк университетини ёлбашчылары булан дыгъар байлангъан.


Эсгерилген университетде 61 тюрлю касбугъа ес болмакъ учун билим алмагъа бажарыла. Мунда дарс беривчюлер ва профессорлар оьзлер де – оьр даражадагъы касбучулар. Бугюнлерде шо университетде 14649 студент билим ала. Олардан 914-вю тюрк тилли уьлкелерден гелген.


Университетни битдирип чыкъгъанлар учун касбусуна гёре янгыз Къазахстанда ва Тюркияда тюгюл, СНГ-ни оьзге уьлкелеринде де ишлемеге онгайлы шартлар яратыла.


Буссагьатгъы вакътиде оьр охув ожакъны гьар тюрлю факультетлеринде билим алагъан къумукъ яш уланланы ва къызланы санаву 50-ге етише.


Гьали университетни медицина факультетинде къарабудагъгентли А. Сайитовну уьч уланы билим ала, олай да Буйнакскиден, Бабаюртдан, Боташюртдан, Темиравулдан чыкъгъан яш уланлар ва къызлар билим алывун узата.


Билим алывну биринчи йылында яш уланлар ва къызлар терен кюйде къазах, тюрк ва ингилис тиллени уьйрене. Шондан сонг олар болажакъ касбусун танглай. Студентлеге стипендия бериле, общежитие булан таъмин этиле, олагъа ёлда чыгъаргъан харжлары да къайтарыла. Университетде охуйгъанлар гьакъ тёлемей, тегин билим ала. Университетге 22 йыл чагъындан оьтмеген яш адамлар охумагъа тюшмеге бола.       


Хожа-Агьмат Ясавини атындагъы халкъара къазах-тюрк университетге охумагъа тюшмек учун лакъырлашыв сынавлардан оьтмеге гелмеге сюегенлер 8928-561-03-31; 8928-674-28-43 номерли телефонлагъа сёйлемеге бола.


 

С. АЛИЕВ, Х. КАСИМОВ, жамият чалышывчулар.



Количество показов: 181
Автор: YOLDASH.news
28.06.2019 16:15
Подписывайтесь на канал yoldash.ru в

Возврат к списку


Добавить комментарий









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта