Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности "Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИВнимание! Конкурсы!Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Дагъыстан оьктем болардай савгъат

Дагъыстан оьктем болардай савгъат

–Театр жамиятчылыкъны бу оьр даражадагъы савгъат булан гьакъ юрекден къутлайбыз, – деди Камил Алиев. – Бизин охувчуларыбыз да билсин учун бу уллу агьвалатны гьакъында айтсанг арив болур.

–Агьвалат, гертилей де, уллу ва даражалы, – деди Скандарбек Тулпаров. – Гьар йыл Владимир шагьарда дюнья оьлчевюнде фес­тиваль оьтгериле. Огъар фестивалланы фестивалы деп де айта. Мунда халкъара фестивалларда биринчи ерни алгъанлар ортакъчылыкъ этме бола. Владимирде оьтгерилегени де, бу шагьар Аресейни биринчи тахшагьары болгъан. Эки жума юрюлдю. Дюнь­яны гьар еринден: Греция, Америка, Швеция, Монголия, барын да эсгере турма­йым, мунда гелген 26 театр бар эди. Олар ойнагъан лап яхшы спектакллени алтысына Мономахны бёркю бериле. Шо савгъатны бермек учун да лап яхшы билими, англаву бар касбучулардан халкъара комиссия къурулгъан. Олар оюнун яхшы деп гьисаплап айыргъан алты театр шо бёркню ала. Къалгъан 20 театргъа ортакъчылыкъ этгени учун баракалла билдириле. Кёп оьр даражасы булангъы халкъара савгъат.

– Сизин театр нечик чакъырылды

– Рус театр каспий ягъа пачалыкъланы ва Темиркъазыкъ Кавказ регионну халкъара фес­тивалында ортакъчылыкъ этип, биринчи ерни алды. Гауптманны «Перед заходом солнца» деген спектаклин ойнагъан эдик. Шонда баш рольну, бизнесмен Матиус Клаузенни Айгум Айгумов ойнады. Ойнама бек къыйын роль, къаркъара гюч, ругь тарыкъ. Тек нечакъы къыйын буса да, Айгум Элдарович шо келпетни бек бажарывлу кюйде яратып болду. Бу адам, бизнесмен, оьзюню байлыгъы булан не даражалагъа да етишген, уллу пачалыкъланы президентлери де ону булан гьакълашып иш гёре, сав дюньяны елеп бола, тек нетесен, оьзюню яшларын елеп болмай… Сагьнада Айгум онча да инамлы келпет яратды чы, комиссияны членлери бир тавушдан огъар савгъатны берме къарар чыгъарды. Сонг режиссёр гьисапда магъа:

– Неге Дагъыстанны Рус театры гьали де академический тюгюл?–деп сорав берди.

–Билмеймен, мени ишимни мен кютемен, къалгъаны сизден гьасил бола,–дедим. Гьасили, комиссиядан чыкъгъанда Айгум Элдаровичге сёйлеймен. «Сагъа берилди бёрк», – деймен. «Инанмайман, нечик?» – дей ол. Бу савгъатны алмагъыбыз бизин учун уллу уьстюнлюк ва дагъыстан маданиятгъа да уллу къошум. Сав Дагъыстан оьктем болар йимик савгъат.

–Мономахны бёркюн алгъанланы арасында дагъы да къайсы театрлар бар?

–Шоланы арасында Москвадагъы «Сфера» деген театр, Симферопольдагъы Денгиз флотну театры, Симферопольну бирдагъы академия театры, Калуга шагьарны ва Владимир шагьарны театрлары. Бизин театр сентябр­ни 18-нде ойнады. Гьар спектакл­ден сонг комиссияны членлерин де чакъырып, банкет бола. Айгум Элдарович банкет залгъа гиргенде, савлай комиссия эретуруп, ону харс урувлар булан къаршылады. Шо буса Мономахны бёркюн алгъан биринчи къумукъну герти пагьмусуна гьюрмет этив бола.

–Европаны бир савгъатын да алда Имам Акавутдинов алгъан эди…

–Герти. Европа оьлчевде оьтгерилген фестивальда Гран-прини Имам Акавутдинов алды. Гьали фестивалланы да фестивалыны халкъара савгъатын Айгум Айгумов алды. Шо бизин маданиятыбыз учун – уллу даража.

–Газетибизни охувчуларыны атындан да, оьзюбюз де оьр даражалы савгъат булан сизин гьакъ юрекден къутлайбыз. Гележекде дагъы да уллу уьстюнлюклеге етишмеге насип болсун.

–Савболугъуз, баракалла.


Яраш БИЙДУЛЛАЕВ.

СУРАТЛАРДА: Мономахны хрустальдан этилген бёркю ва ону есиси Айгум Айгумов.


Количество показов: 1305
28.10.2016 13:50

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта