Запир Америкада утгъан

   


Пятница, 23.03.2018г. — «Ёлдаш» газет


Профессионал боксдан США-ны Оклахома-сити деген шагьарында 63 кило авурлукъда WBA-ны чемпиону деген ат къазанмакъ учун юрюлген ябушувда къумукъ улан Запир Расулов немис боксёр Майкл Каннлер булан ёлукъгъан ва ону утма болгъан. Бу – бизин къумукъ улан учун уллу уьстюнлюк.


 


Запир Расулов Буйнакск шагьарда тувгъан. Огъар 27 йыл бола.Ол Германияда яшай. Запирни шонда профессионал бокс булан машгъул болагъаны – тогъузунчу йыл. Германияны дёрт керен чемпиону да дюр. Огъар Германияда яхшы имканлыкълар яратылгъан. Артдагъы уьч йылны ичинде Запир бир нече белгили боксёрланы утуп, рейтингде бешинчи ерге гётерилме болгъаны – уллу оьрлюк.



Алты-етти йыл алда ол оьрюм яшланы арасында эки керен чемпион атгъа лайыкълы болгъан. Профессионал боксда къумукъ улан 32 ёлугъувда 29 керен утгъан.



Бугюн профессионал боксда уьч къумукъ бар – Артур Акавов, Межит Бектемиров ва Запир Расулов.



Запирни бу уллу уьстюнлюгю булан къутлайбыз.



Авторизация
*
*
Регистрация
*
*
*
Согласны с условиями сайта?
Генерация пароля