Ярышлар оьтгерилди


Пятница, 18.05.2018г. - "ЁЛДАШ".


Моздок шагьарны «Атлантик» деген спорткъаласында 2-нчи ачыкъ мердешленип гелеген къол гюч сынавда турнир оьтдю. Шо турнирде Аланияны, Ставрополь крайны, Къабарты-Балкъар, Мычыгъыш республикаланы ва Краснодар крайны командалары ортакъчылыкъ этди.



Ярышлар башлангъынча спортчуланы алдында чыгъып сёйлейгенлени арасында Моздок шагьарны мэри, спорт министерлигини вакиллери ва Уллу Ватан давну ортакъчылары бар эди. Оланы насигьат сёзлеринден сонг шагьардагъы гюнтувуш ябушувну тхэквондо журасыны спортчулары оьзлени гьюнери булан залдагъыланы разилигин алды. Шондан сонг ярышлар башланды ва бек къужурлу оьтдю. Мычыгъыш республиканы «Агьмат» деген командасы биринчи ерни алып, уьстюнлюк къазанды. 2-нчи ерде Темиркъазыкъ Осетия Республика – Аланияны командасы ва 3-нчю ерни Къабарты-Балкъар Республика командасы алды. «Агьмат» командада борагъанлылар Азиз Хачапов, Камал Тазбиев ва Нариман Нахаев бар эди. Уьчевю де бизин якълы спортчулар оьзлени авурлукъларында алдынлы ерлени къазанды.



Бизин къоччакъланы бу сююнчлю уьстюнлюгю булан къутлайбыз ва спорт ярышларда, яшавда кёп насиплер ёрайбыз.



Ш. Мамаев,


Борагъандагъы спорткомплексни директору.

Авторизация
*
*
Регистрация
*
*
*
Согласны с условиями сайта?
Генерация пароля