Европада алдынлыкъ алгъан

  


 

Магьачкъалалы Таймаз ТЕМИРБЕКОВ деген къумукъ улан чалт ойнайгъан шагьматлагъа гёре Европада биринчилик алмакъ учун юрюлген ярышларда алтын медаль къазанып къайтгъан.

 



Ол – шолай оьрлюкге етишген дагъыстанлыланы биринчиси. Халкъара даражасындагъы бу ярыш Таллин шагьарда, ноябрни 30-нда башланып, декабрни 4-нде тамамлангъан.


Оьзюн тренер Макъсутдин Жанболатов уьйретеген Таймаз 8 йыллыкъ чагъына ерлиги уланъяшланы арасындагъы тогъатартывда оьзюню гьюнери оьзгеленикинден кёп къолай экенни аян этген. Ол къошулгъан группада 14 тюрлю пачалыкъдан 100-ге ювукъ яш болгъан. Таймаз, эсин жыйып, жигерлик гёрсетип, болмагъа тарыкълы 9 очкодан 8-ин къазангъан.


Эсгерилген ярышда Дагъыстандан баргъан оьзге яшлар да: Адам Хиряев (8-нчи ер), Солтанат Жалалова къызланы арасында гёрмекли гьасиллеге етишген.


Яш шагьматчылар савлай команда болуп дагъы да чалт ойнайгъан шагьматлагъа гёре Европада алдынлыкъ алмакъ учун юрюлген ярышлагъа да баргъан. (О гьакъда да сонг маълумат берилежек).


Дагъыстан Республиканы Шагьмат федерациясыны президенти, халкъара даражадагъы гроссмейстер Жакай Жакаев чалт шагьматлардан Европада етишген оьрлюклери булан яшланы ва оланы тренерлерин къутлагъан, олагъа гележекде де дагъы да уллу уьстюнлюклер ёрагъан.

 


Бизин маълумат.

Авторизация
*
*
Регистрация
*
*
*
Согласны с условиями сайта?
Генерация пароля