Сетевое издание «ЁЛДАШ» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Сетевое издание «Ёлдаш» (Спутник)

Муаллимлени август айдагъы генгеши



Магьачкъала шагьарда Дослукъну уьюнде тюнегюн, август айны 22-синде билим беривню къуллукъчуларыны август айда оьтгерилеген гезикли генгеши болду. Шо генгешде Дагъыстан Республиканы Башчысы В.Васильев, ДР-ни Халкъ Жыйыныны Председатели Х. Шихсайитов, ДР-ни Гьукуматыны Председателини заместители, билим беривге ва илмугъа къарайгъан министри У. Омарова,   районланы, шагьарланы башчылары ва билим берив тармакъны къуллукъчулары ортакъчылыкъ этди.


Генгешни У. Омарова ачды ва РФ-ни охув министерлигини департаментини ёлбашчысы С. Нуждинагъа сёз берди. Ол оьзюню гезигинде булай деди:


– Бу охув йылда бары да регионлагъа бир гьалда иш гёрме герек. Билим берив тармакъда милли проектге гёре иш гёрме башлайбыз. Бу проектге Федерал бюджетден 106 миллиард манат гёрсетилген. Шо санавлагъа гёре милли проект агьамиятлы экенин ва огъар нечик тергев берилегени гёрюне. 2024-нчю йылгъа ерли буса бизин тармакъгъа 784 миллиард манат гёрсетилме гёз алгъа тутулгъан. Шо саялы биз бары да регионлар булан бирлешип чалышмагъа герекбиз.


Уммупазил Омарова Дагъыстан Республиканы билим берив тармагъыны ва ону оьсювюню айланасында доклад эте туруп, Дагъыстанда билим берив системада янгыртыв юрюлегенни эсгерди:


– Дагъыстан Республиканы билим берив системасында янгыртыв ишлер узатыла. Бугюнлерде бизин пачалыгъыбыз, шону ичинде Дагъыстан Республика да оьр билимли, жаваплы, тюз къарар чыгъарып, масъалаланы чечип болагъан касбучулагъа харлы. Заманны талапларына жавап береген касбучулар герек. Билим берив тармакъ гележек учун чалышмагъа борчлу.


Россия Федерацияда билим беривню милли проектине гёре биринчи гезик бизин ишибизни бары да тармакъларына тергев этиле ва яныбызны тута.    Ону айтывуна гёре Дагъыстан Республикада яслилер ачылажакъ, 3 йыл битмеген яшлагъа яшлар бавларында ерлер болдурулажакъ. Шолай да, алда яшлар бавлары болгъан сонг буса башгъа къуллукълагъа къолланма берилген биналар къайтарылажакъ. Уммупазил Омарова билим берив тармакъдагъы масъалаланы кёплерин эсгерди. Шоланы арасында охув китапланы, муаллимлени алапаларыны, бирлешген пачалыкъ экзаменлени, муаллимлени касбу даражасыны масъалаларыны гьакъында айтылды. «150 школа» деген проектге де аслу тергев берилди.


Муаллимлени генгешини гьасиллерин чыгъара туруп, ДР-ни Башчысы В. Васильев булай деди:


– Мен оьзюм эки муаллимни агьлюсюнде оьсгенмен. Гиччиден берли шулай сёзлер эсимде къалгъан: «Билим–адамны гележегин токъташдыра» Янгыз школада, оьр охув ожакъда тюгюл, адам яшавуну боюнда билимлерин артдырып турмагъа герек. Билимли адамны къайда буса да абуру да бола, ишин де яхшы кюте.


В.Васильев янгыз билим берив тармакъны тюгюл, республиканы бары да тармакъларындагъы масъалаланы гётерди. Билим берив тармакъны масъалалары гиччи абатлар булан чечилип турагъанны ва яхшы алышынывлар бар экенни эсгерди. У.Омаровагъа, бары да ишлерде оьзюню кёмегин болдурагъаны учун Х.Шихсайитовгъа баркалла билдирди.


Генгешни ахырында муаллимлеге «Дагъыстанны ат къазангъан муаллими» деген гьюрметли атланы шагьатнамалары тапшурулду.



Количество показов: 136
23.08.2019 19:50
Подписывайтесь на канал yoldash.ru в

Возврат к списку


Добавить комментарий

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта