Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsНовостиИнтервьюАнонс книгIn memoriamГод культуры безопасности Нацпроекты в РДПамятные датыТеатры и кино"Времена"ИнфоблокПолитикаИсторияКультураЛюди и время НаукаАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилМасхараларТеатрЯшланы дюньясы Спорт Единоборства Развитие спортаФК «Анжи» СоревнованияМедиасфераО газетеО сайтеСМИ БАННЕРЫ Наши партнерыНаши спонсорыСотрудникиАвторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)

Янгыгентли къонакълар – «Ёлдашда»

Янгыгентли къонакълар – «Ёлдашда»



      «Ёлдаш» газетни редакциясына чакъ-чакъда школаны охувчулары къонакълай гелеген кюю бола. Оьтген жумада буса «Ёлдаш» газетни редакциясына Гьайдакъ районну Янгыгент юртундан школада ишлейген муаллимлени ва охувчу яшланы башына тюшюп юрт администрацияны башчысы Пашабек Мутаев де къонакълай гелди.


Къонакъланы газетни прес-клубунда редакцияны къуллукъчулары къаршылады. «Ёлдашны» баш редакторуну заместители Абдулкъапур Салимурзаев адатлы гьалда къонакъланы газетни тарихи булан таныш этди ва «Ёлдаш» газет чыкъмагъа башлагъан биринчи номеринден башлап, бугюнлеге ерлиги ёлуну ва ишини гьакъында англатыв берди. Къонакълар оьзлени гезигинде, айрыча айтгъанда, Янгыгент орта школаны ана тил ва адабият дарсланы муаллими Серияханум Гьажиева газетни кёпден берли охувчусу экенин ва оьзю школада муаллим гьисапда ишлейген 46 йылны узагъына газетден бир де айрылмагъанын эсгерди. Газетге къонакълай гелмеклигини себеби буса – гележекде газет булан тыгъыс аралыкълар юрютмеге, оьзлени яратывчулугъун газетни сагьифаларында да аян этмеге, охувчуланы да ана тилинде чыгъагъан газет булан ювукъдан таныш этип байлавлукъ юрютмекни къастын этмек.


Оьзю Серияханум Гьажиева да эсгерген кюйде, Гьайдакъ район башгъа къумукъ районлардан арекде ерлешген буса да, къумукъ поэзиягъа, маданиятгъа, инчесаниятгъа багъышлап йылда бир нече керен гьар тюрлю чаралар оьтгере.


–Къумукъ адабиятгъа, шаирлеге, алимлеге абур этеген йимик, гьар къумукъ деген адамгъа да абур этебиз. Къонакъланы да сюебиз, йыракъ деп къарамагъыз, бизге де къонакълай гелигиз, – деп чакъырыв этди Серияханум Гьажиева.


Бу йыл Янгыгент школаны 8-нчи класыны охувчу къызы Анжелика Зайирбекова буса ана тилден ва адабиятдан оьтгерилген олимпиаданы республика тиретинде 2-нчи ерни къазангъан. Анжеликаны айтывуна гёре, республика оьлчевде оьтгерилген олимпиадада савгъатлы экинчи ерни къазанмакъ – уллу уьстюнлюк ва сююнч, газетге гелмеклиги, ювукъдан таныш болмакълыгъын да бир савгъатгъа тенг эте.


Янгыгент школаны ана тил ва адабият дарслардан бирдагъы муаллими Руманият Гьажиева буса Янгыгентде охувчуланы ата-аналарыны арасында ана тил дарслар тарыкъ тюгюл дейгенлери барлыгъы талчыкъдырагъанны ва 10-11-нчи класларда ана тил дарслар гьеч юрюлмейгенни эсгерди. Шогъар да къарамайлы, охувчуланы арасында ана тилин бек сюеген, жаны авруйгъан охувчулар бар экенге сююнегенни айтды.


–Янгыгент юрт администрацияны башчысы Пашабек Мутаевни къастлыгъы да булан «Ёлдаш» газетге юртда гьар йыл 60 адамдан аз болмагъан кюйде язылалар, – деди Руманият. – Ач ерде экмекни хадирин билер дегенлей, биз де арекде къумукъ халкъны сагъынабыз. Къатнавубуз аз болса да, халкъыбызны яшавуна, къысматына, гележегине жаныбыз авруй. Яшларыбызны къумукъланы тарихин, маданиятын, инчесаниятын билдирмеге къаст этебиз. Школаны муаллимлери, охувчулары да юртну яшавунда гьаракатчы кюйде ортакъчылыкъ эте. Гьар йыл юртну гюнюн де оьтгермеге башлагъанбыз. Юртубуздан чыкъгъан белгили, гёрмекли адамланы къуршайбыз.


Къонакъланы арасында Янгыгент орта школаны биология ва химия дарсланы муаллими Зумурут Омарова, орус тил ва адабият дарсланы муаллими Ажабике Абдуллаева ва 8, 9, 11-нчи класланы охувчулары да бар эди.


Ёлугъувну ахырында газетни къонакълары «Ёлдаш» газет ва ону къуллукъчулары булан тыгъыс кюйде аралыкълар юрютежекге сёйлешдик. Янгыгентден ва башгъа юртлардагъы охувчуларыбыздан да исси ва тыгъыс аралыкълар къаравуллайбыз.



Количество показов: 1325
19.04.2019 14:10
Подписывайтесь на канал yoldash.ru в

Возврат к списку


Добавить комментарий









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта