Олимпиадада уьст гелген

Биологиядан округну олимпиадасыны биринчи савгъатын шагьардагъы кёп профилли лицейни 9-нчу класыны охувчуcу, хасавюртлу къумукъ къыз Динара Жанхуватова къазангъан. Огъар 14 йыл бола. Олимпиадада биринчи керен ортакъчылыкъ этген.

– Магъа олимпиадада уьст гелме онча къыйын болмады. Округну башгъа рес­публикаларындан гелген яшлар булан олимпиадада оьзюм­ню билимимни гёрсетдим ва биринчи ерни къазандым. Биологиядан дарс береген муаллимим Индира Сатигьажиева булан бирче олимпиадагъа яхшы гьазирлик гёрген эдик. Олимпиадада биринчи ерни къазангъанлагъа оьр охув ожакъгъа тюшме онгайлыкълар болажакъ деп хабар бар. Мени гележекде медицина институтгъа тюшме хыялым бар. Доктор болма сюемен, – дей Динара.

Динараны бу уьстюнлюгю булан къутлайбыз.



Измулла ГЬАЖИЕВ.


СУРАТДА: Динара Жанхуватова.

Автор чыгъаргъан сурат.

Авторизация
*
*
Регистрация
*
*
*
Согласны с условиями сайта?
Генерация пароля