А-П. Салаватовну атындагъы Къумукъ музыкалы-драма театрны сагьнасында 21-нчи июльда Маржанат Алибекованы концерти болажакъ. М.Алибекова – Стокгольм шагьарда оьтгерилген халкъара музыкалы конкурсну лауреаты. Концертде музыка алатланы согъувчулар; Оксана Осокина – жыкъы, Анна Швец – виолончель, Амина Гунашева – фортепиано ортакъчылыкъ этежек.

__________________________________________________________

М.Алибекова айтгъан кюйде, бу чара «Россияны консерваторияларыны студентлери – Дагъыстанны филармониясыны сагьнасында» деген маданият министерликни проектине гёре юрюле. «Мени янгыз концертим биринчилей оьтгериле», – дей М.Алибекова. – Алда Магьачкъалада, Бакюде, Аштарханда умуми концертлерде ортакъчылыкъ этгенмен. Йылны ахырында Бакюде де айры концертим болажакъ. Апрель айда мен Барсова ва Максакованы атындагъы фестивальда Дагъыстанны атындан ортакъчылыкъ этдим. Романслар йырладым. Онда савлай Россиядан ва оьзге пачалыкълардан да кёп санавда ортакъчылар бар эди. Бакюдеги консерваторияны 4-нчю курсундаман. Гележекде репертуарымны генглешдирип, уллу сагьналагъа чыкъма къастым бар, – дей М.Алибекова.

Бизин мухбирибиз.

Суратда: М.Алибекова.