Халкъара фестиваль арив оьтдю

Тыш пачалыкълардан гелген коллективлени концертлерин дагъыстанлылар бек ушатды. Мексикадан гелген «Алианза» деген фольклор ансамбль Богатырёвка посёлокда оьзлени концерт программасын гёрсетип, гючлю харс урувланы къазанды. «Мен киносериалларда тюгюл эсе мексикалыланы гёрмеген эдим»,–дей мунда яшайгъан Б.Ражаюбова. –Шолай йыракъдан бизге гелгени учун баракалла болсун, кёп сююп концертине къарадыкъ».

Шри-Ланкадан гелген «Ранранга» деген ансамбль Янгы Хушет посёлокда концерт гёрсетген. Къаравчулар оланы кёп сююп къабул этген.

Словакиядан гелген «Омладина» деген ансамблни таргъулулар къаршылагъан, харс урувлары булан оьзлени разилигин билдирген, къонакълагъа къумукъ бийивлени бийип гёрсетген. Таргъуну администрациясыны башчысы Али Усманов юртлуларыны атындан къонакълагъа баракалла билдирген.

Гьар юртгъа барагъанда къонакълар булан бирче бизин белгили йыравлар Рукъият Гьамзатова, Бурлият Ибавова, Рустам Агьматханов, Абдул Муратов ва оьзгелери де концерт программаларда ортакъчылыкъ этди. Фестивальны ябылыву 5-нчи июнда орус театрда «Россия–Ватаным мени» деген гала-концерт булан тамамланды.


Я. БИЙДУЛЛАЕВ.

СУРАТДА: фестивальдан гёрюнюш.

Авторизация
*
*
Регистрация
*
*
*
Согласны с условиями сайта?
Генерация пароля