«Гюмюш Витязь» – къумукъда

– Бу конкурсда бары да славян маданиятны вакиллерини ва оьзге миллетлени де кёп санавда театрлары ортакъчылыкъ этди. Спектакллени ортакъчылары беш адамдан артыкъ болмайгъан кюйде салынгъан эди. Биз бир адам ортакъчылыкъ этеген моноспектаклни салдыкъ. Театрлар онча да кёп эди чи, бир гюн гьар тюрлю сагьналарда 14 спектакль ойнала эди. Эки айны узагъында юрюлдю. Биз 28-нчи ноябрде ойнадыкъ. Бизин барыбызны да, ёгъубузну да эс этмейген жюрини членлери спектакль битген сонг:

–Режиссёрну чакъырсагъыз ярамаймы? – деп тилеген. «Тез бол», – деп артымдан гелдилер.

–Сизге баш икме яраймы? – деди бириси.

–Воллагь ярай, – дедим.

–Оьпме яраймы? – деди бирдагъысы.

–Нечакъы да ярай, – дедим. Яягъымдан оьпдю…–Шо ойнагъан артистни гёрме яраймы?

–Бек арив ярай, – деп, тезликде Имамутдинни чакъырдым.

–Булай артистни тапма бек къыйын. Ол бизин барыбызны да тамашагъа къалдырды, – деп сёйлеп турагъанда, Имамутдин гелди. Ону да къучакъладылар, баракалла билдирди. Славянлар къумукъланы къучакълай. Яманмы?!

–Нечакъы да яхшы, Скандарбек, къутлайбыз. Мономахны бёркюн де алып гелген эдигиз. «Гюмюш Витязь» да – сизде. Узагъындан болсун, дагъы да уллу уьстюнлюклеге етишме насип болсун!

 

Я. БИЙДУЛЛАЕВ.

СУРАТДА: Имамутдин Акавутдиновну

спектаклдеги гийими.

Авторизация
*
*
Регистрация
*
*
*
Согласны с условиями сайта?
Генерация пароля