Асил сёз

Тюрк халкъланы айтывлары ва аталар сёзлери

 

КЪАЗАХЛАР

 

  • Сыйлап берген сув да татли.
  • Сав заманда мал татли, баш авруса, жан татли.
  • Ватанын сатгъан – оьзюне къабур къазгъан.
  • Оьзю тойса да, гёзю тоймады.
  • Яхшы гелин – къызыдай, яхшы гиев – уландай.
  • Яман буса да агъабыз, яхшысын къайдан табарбыз.
  • Бир авулда минг къардашынг болгъанча, гьар авулда бир къардашынг болгъан къолай.
  • Аврувгъа эм излегенче, аврумайгъанлыкъны ёлун изле.
  • Агъа-ини татывлу буса – ат кёп, гелинлер татывлу буса – аш кёп.
  • Аврув ел булан гелип, тер булан чыгъар.
  • Ярлыны байлыгъы – къаркъарасыны савлугъу.
  • Татывлу ожакъда аш да татывлу.
  • Пелен ерде алтын бар, излеп барсам, ез де ёкъ.
  • Ачлыкъ аш айырмай.
  • Агъайланы алтын къалаларындан анамны къошу артыкъ.
  • Агъайлары бай буса, ашайгъаны май болур.
  • Уьйде онгмагъан тышда да онгмас.
  • Тувгъан ерингде согъан да татли.
  • Дос-къардашны сыйласанг – зор дюньягъа  сыймассан.
  • Ватангъа сююв  отбашдан башлана.
  • Таза гьавада тургъанынг – узакъ оьмюр сюргенинг.
  • Аврувну яхшысы ёкъ, дарманны татлиси ёкъ.
  • Атаны хадирин ата болгъанда билерсен.
  • Бала – юрекни гюлю, гёзлени нюрю.
  • Етти атасын билмеген – етимликни белгиси.
  • Сыйлы къонакъ гелсе, итине  сюек ташла.
  • Дослукъ – табылмас байлыкъ.
  • Къара къаргъа къарда къонур, акъ къаргъа къарап оьтер.

 

 

 

 

Гьазирлеген П. Гьайбуллаева.

Авторизация
*
*
Регистрация
*
*
*
Согласны с условиями сайта?
Генерация пароля