Аривлюкню гьис этегенлер

ДР-ни билим беривге, илмугъа ва яшёрюмлени сиясатына (политикасына) къарайгъан министерлигини ва оьрде аты эсгерилген институтну сиптечилиги булан оьтгерилеген бу выставка гьар йыл ара бёлмей юрюлегени – дёртюнчю керен. Йылдан-йылгъа выставкагъа деп этилген суратланы сан яны яхшылаша ва къужурлу бола.

Ярыш къайдада юрюлеген выставканы аслу муратлары школаларда сурат дарсланы береген муаллимлени касбу бажарывлугъун артдырмакъ, чебер маданиятны инг яхшы мердешлерин сакъламакъ, Дагъыстанны халкъ саниятларыны адатларын арагъа чыгъармакъ ва бары да этилеген ишлеге охувчуланы къуршамакъ эди.

Бу йылгъы ярышда республиканы 23 районундан ва 6 шагьарындан 248 чебер ишге къаралды. Бу агьвалатны ачылывунда гетген ва алдагъы йылларда алдынлы ерлеге чыкъгъан муаллимлер де ортакъчылыкъ этегени мердешге айлангъан. Выставканы ортакъчыларыны пикрусун арагъа чыгъарып айтгъанда, бары да чебер ишлер оьр даражада этилген. Охувчуланы алдына барып оьр даражада билимлери ва чебер усталыгъы бар шулай муаллимлер дарс берегени сююндюрмей болмай.

Къайсы ярышда да алдынлыкъны алгъанлар ва артда къалгъанлар болмай къалмай. Шо гюнде лап яхшы сурат этивчюлер белгиленди. Олагъа ДР-ни билим беривге, илмугъа ва яшёрюмлени сиясатына къарайгъан министерлигини янындан дипломлар тапшурулду. Выставканы иши бир-эки гюн булан тамамланып къалмажакъны да эсгермеге сюебиз. Эки айны узагъында юрюлежек выставкагъа къарамагъа сюеген адам ерине барып гёрмеге ва оьз­лер ушатгъан ишлени алмагъа болалар.

Б. Оьлмесова.

Суратда: выставка юрюлеген вакъти.

Авторизация
*
*
Регистрация
*
*
*
Согласны с условиями сайта?
Генерация пароля