Сен хошгелдинг, сыйлы Рамазан ай!


Пятница, 18.05.2018г. - "ЁЛДАШ".


Къутлав



Гьюрметли шайых Агьмат-гьажи! Дагъыстанны бусурманларын Рамазан айны башланыву булан къутлайман!



Бу сыйлы ай инанагъанланы ислам динни кюрчюсюн билмеге, тюзлюкге, ювукъ адамланы сюймеге, яхшы ишлер этмеге, тарыкълагъа кёмеклешмеге чакъыра.



Гьакимлик къурумлар, республиканы дин бирлешивлери булан бирликде, бизин ватандашланы яшавун яхшы, таза, рагьмулу этежекге, исламны инсанлыкъ къыйматлары адамланы арасындагъы англавну, жамият къылыкъны беклешдирежекге инанаман.



Бары да дагъыстанлылагъа савлукъ, пайдалы ва шабагьатлы ишлеринде уьстюнлюклер ёрайман.


Дагъыстан Республиканы Башчысыны


борчларын заманлыкъгъа кютеген


Владимир Васильев.




Бусурманлар учун инг де аслу гьисапланагъан сыйлы Рамазан ай етишип гелди. Шу айда Аллагь бизге сыйлы Къуранны йиберген. Магьаммат Пайхаммарны (алайгьиссалам) гьадисине гёре, Рамазан айны геливю булан женнетни къапулары ачыла, жагьаннемни къапулары ябыла. Бу айда товба этгенлеге гечилмекни умуту кёп къадар арта. Этген ишлери мизан терезелер булан чегилегенде де, олар яхшылыкъгъа багъып авур тартажакъгъа умут оьсе.



Шо саялы бу сыйлы гюнлер бусурманлар айрыча шабагьат болагъан Рамазан айдагъы оразаны тута, этилген гюнагьларына гьёкюне. Шондан къайры да, аралыгъы бузулгъанлар булан ярашмагъа алгъасамагъа, оьзюбюзню къардашларыбызны, ювукъ адамларыбызны уьстюне бармагъа, этилеген ибадатланы артдырмагъа садагъалар этиле.



Яхшы ишлени кёп этмеге, жамият булан межитде намаз къылмагъа, ата-ананы, къардашланы ва оьзге айланабызда яшайгъан адамланы сююндюрмеге къаст этмеге тюше. Оланы арасында гечмеге тарыкълар бар буса, гечип, къылынмагъан намазлар бар буса, мекенли кюйде таравигьлени ва оьзге сюннет намазланы къыла, гери урулагъан амаллардан арек болмагъа гьаракат эте.



Гьюрметли охувчулар, сизин сыйлы Рамазан ай булан къутлайбыз. Уллу Аллагь бизин оразаларыбызны къабул этсин, гюнагьларыбыздан гечсин, дюньягъа парахатлыкъ, юреклерибизге сабурлукъ салсын!



Авторизация
*
*
Регистрация
*
*
*
Согласны с условиями сайта?
Генерация пароля