Бизден баргъан яшланы арасында М. Минатуллаев лап да яхшы гьасиллеге етишген. Ол шонда экинчи ва уьчюнчю ерни алмагъа болгъан. Эгер ол, гёзю авуртуп, шондан пуршавлукъ болмагъан эди буса, айрыча ойнайгъанда да финалгъа ерли чыкъмагъа болажакъ эди. М. Минатуллаев алда да бир нече уллу ярышларда уьстюн гелген ва медаллар булан савгъатлангъан.
Бу гезик де огъар Дагъыстан Республиканы билим берив ва илму министри Ш. Шагьовну атындан экинчи ва уьчюнчю даражалы дипломлар ва медаллар тапшурулгъан. Теннис ойнавда яхшы натижалагъа етишеген бу уланны тренери – Буглендеги яшланы спорт школасыны дарс беривчюсю, Дагъыстанны физкультурасыны ва спортуну ат къазангъан къуллукъчусу А. Агьматов.
Оьз мухбирибиз.
Суратда: М. Минатуллаев.
