Дюнья чемпионаты башлангъанда командабыз оюндан-оюнгъа гючюн артдырып башлады. Алдын бизин командада белгили хоккеистлер оюн гёрсете, шайбалар гийире эди буса, О.Знарокну командасында шайба гийирмеген, осал ойнагъан хоккеист болма да болмады деп айтма ярай. Янгы команданы оьр даражасын исбатлайгъан да шо деп гьисап этебиз.

Бизин команда хапарсыздан чемпион болмады, шо оьрлюкню оьзюню хоккеистлерини усталыгъы, къастлыгъы булан къазанды. Оьзюн гьалиги заманны инг алдынлы, инг де гючлю командасы гьисапда гёрсетди ва къаравчуланы юреклерин къувандырды.

 

 

 

Автор: Абдулманап Гьамзаев.