Россияны чемпионатында – эки медаль


         

  Москва областны Красноармейск шагьарында тхэквондодан уланланы ва къызланы арасында Россияны гезикли чемпионаты оьтгерилген. 50 региондан ярышларда 425 тхэквондоист ортакъчылыкъ этген.

Эсгерилген ярышларда Россияны, Европаны чемпионлары да ортакъчылыкъ этгенлер. Айтагъаныкъ, Россияны чемпионатында биринчи-экинчи ерлени къазангъанлагъа Европа ва дюнья чемпионатлагъа барма ёл ачыла. Ону учун утдурма бирев де сюймей ва савгъатлы ерлер учун къызгъын ябушувлар юрюле.


Ярышларда 63 кило авурлукъда магьачкъалалы къумукъ улан Элдар Тетекаев экинчи ерни къазангъан. Огъар финалда утма насип болмагъан ва гюмюш медаль булан савгъатлангъан.



Элдаргъа 18 йыл бола. Ол – Темиркъазыкъ-Кавказ федерал округну эки ва Дагъыстанны уьч керен чемпиону.



Шо авурлукъда бирдагъы бир къумукъ улан Болат Изутдинов бронза медальгъа ес болгъан. Болат 1992-нчи йылда Магьачкъалада тувгъан. Ата-бабалары Оьр Къазаныш юртдан.



Ол Москвадагъы хас спорт школагъа тренировкалагъа юрюй. Алдын Болат Москваны чемпиону ва 2011-нчи йылда буса оьрюм яшланы арасында оьтгерилген Россияны чемпионатында уьчюнчю савгъатны да къазангъан. Москвадагъы пачалыкъ физкультура институтну студенти де дюр.



Уллу ярышларда эки медаль утгъан къумукъ уланланы къутлайбыз.


Суратларда: Болат Изутдинов, Элдар Тетекаев.



Авторизация
*
*
Регистрация
*
*
*
Согласны с условиями сайта?
Генерация пароля