Шо турнирде Россияны жыйым командасына Тажикистанны асгерлик самбо лигасыны ва ябушувланы лап да гючлю кочапларындан жыйылгъан жыйым командасы къаршы тургъан. Турнирде 12 ябушув болгъан ва оланы гьариси къаравчуланы гючлю тергевюн тартгъан.

Къаравчуланы пикрусуна гёре лап да яхшы ябушув адилянгыюртлу Ризван Абуевни ва Азамат Абдулкеримовну арасында оьтген. Оьзюню ябушувгъа айрыча пагьмусу баргъа гёре къаравчулар да, спортну усталары да Ризван Абуевге «йыртгъыч» деген ат къойгъаны да кёп затны англата.  Россияны 6 керен, Европаны 2 керен ва дюньяны чемпиону болгъан, асгерлик самбодан Россияны алтын медалын къазангъан спортну халкъара даражалы устасы Ризван  Абуев учун бу ябушув къыйын болмагъан. Огъар къаршы тургъан Азамат Абдулкеримов Ризванны техникасына къаршы туруп болмагъан.

Бабаюртлу Нариман Гьажиев де сынавлу кочап Дмитрий Бомонну чапгъынларына къаршы туруп бажаргъан. 

Бабаюртлу спортчуларыны Россияны ринглериндеги ябушувларына  тергевюбюзню узатабыз ва олардан янгы уьстюнлюклер къаравуллайбыз.

 

 

 

Герейхан ГЬАЖИЕВ,

бизин мухбирибиз.

СУРАТДА: Ризван Абуевге кубок тапшурула.