Ярышларда 24 пачалыкъдан 350 тхэквондоист ортакъчылыкъ этген.
Москва шагьар учун ортакъчылыкъ этген 22 йыллыкъ Оьр Къазаныш юртлу къумукъ улан Болат Изутдинов 63 килода гюмюш медаль къазангъан. Огъар финалда уьст гелме насип болмагъан ва экинчи ерни алгъан.
Болат – Дагъыстанны дёрт керен чемпиону. Россияны кубогуну ярышларында ва чемпионатында да уьчюнчю савгъатланы къазангъан. 2010-нчу йылда Темиркъазыкъ-Кавказ федерал округуну чемпионатында экинчи ерни де алгъан. Артдагъы эки йыл ол Москва шагьарны чемпиону да болгъан.
Бугюн Болат Москва шагьарда оьзюню авурлугъунда инг де гючлю тхэквондоистлерден санала. Энниден сонг ону мурады – Россияны чемпионатында биринчи савгъатны утмакъ.
Суратда: (солда) Б. Изутдинов.
