Турнирде Гюйдюрмесни, Ойсхараны, Шатойну, Алеройну, Урус-Мартанны, Хасавюртну ва Борагъанны спортчулары ортакъчылыкъ этдилер. Жыйылгъанланы Залимхан Химиковну яшав ва дав ёлу булан юрт еси Ибрагьим Хубиев таныш этди. Наркотиклени заралы гьакъында районну спорт бёлюгюню ёлбашчысы Н. Давлетмурзаев сёйледи. Турнирни регламенти булан ону баш судьясы Ш.Мамаев таныш этди.
Спортчулагъа ярышларда активлик ва уьстюнлюклер ёрап, пауэрлифтингден (къол гючню сынав) республиканы баш тренери, спортну халкъара устасы Адгьалимов, авур атлетикадан спортну устасы М.Темирсолтанов ва башгъалар сёйледилер. Ярышлар спортчуланы уллу иш актив ортакъчылыгъында оьтгерилди.
Авурлукъ журалагъа гёре Умар Дидимов, Арсланбек Байрамов, Анварбек Гьакимов (Борагъан), Муса Хамурзаев (Хошгелди), Магьаммат Мусостов (Гюйдюрмес), Мурат Гьакимов (Борагъан), Магьаммат Мунаев (Шатой), Асгьап Бачаев, Али Зизаев (Урус-Мартан), Али Заглуев (Алерой), Магьаммат Эдилханов (Ойсхара) алдынды ерлени къазандылар.
Турнирде савгъатлы ерлени къазангъанлагъа грамоталар, медаллар ва кубоклар тапшурулду. Турнирни оьтгеривге уллу иш тергевлю янашгъаны учун район администрациясыны ёлбашчысы Х. Ш. Агьматовагъа разилигибизни билдиребиз.
Турнирни баш судьясы Ш.Мамаев.
