Ярышланы гьасиллерин чыгъарып айтгъан заманда, Дагъыстандан баргъан команда 4 алтын, 3 гюмюш ва 1 бронза медаллар къазангъан ва биринчи ерге чыкъмагъа болгъан. Республикабыздан баргъан спортсменлени уьстюнлюгюнде Тёбенжюнгютей юртлу (Буйнакск район) Темирлан Хангишиевни де аслам къошуму барын эсгермеге тюше. Ол 56 кило авурлукъда 4 керен тогъа тартмагъа чыкъгъан ва бары да гезиклер озмагъа бажаргъан. Темирланны шо ярышланы барышында къазангъан уьстюнлюгю огъар Россияны жыйым командасына къошулмагъа ёл ачгъан.
Бу боксёрну усталыкъгъа уьйретивде ону тренери ва атасы Арсланали Хангишиевни де къошуму барын айтмагъа тийишли гёремен. Ол уланы Темирланны 6 йыллыкъ чагъындан башлап спортгъа къуршагъан. Гьали болгъанча Темирлан не ярыш болса да алдынлыкъны алмагъа къаст этген. Россияны, Европаны оьлчевлеринде юрюлеген спорт ярышларда да ол алдынлы ерлени къазанмагъа болгъан.
А. Чарторижская.
Буйнакск район администрацияны прес-къуллугъу.
Суратда: Т. Хангишиев .
