Айтгъанлай да, не Ещенко, не Жусилей, не Агьматов, не Траоре, къарагъанда, «Анжиде» къалагъангъа ошамай. Одил Агьматов саялы «Каснодар» команданы ёлбашчысы Галицкий буссагьат он бир миллион евро берме гьазир. Ласина Траоре франциялы «Монакогъа» яда « Пари Сен Жерменге» гетме онгарылгъан. Ещенкону москвалы «Динамо» оьзюню аслу составында гёрме сюегени хыйлы бола. Жусилей де бир аягъы булан Бразилияда деп айтма ярай. Ону «Анжиге» гелгинче ойнагъан клубу «Коринтиас»къайтарма сюе. Ондан къайры, Жусилейни оьзлени командасында айтылгъан бразилиялы «САН Паоло» гёрме сюе.
Айтылгъан футболистлерден къайры, командадан дёрт-беш арендагъа алынгъан футболистлер де гетежеги белгили. Оланы арасында Соломатин, футбол майданны ортасында ойнайгъан Гатагов, якълавчу Епуряну ва башгъалар бар. Тамаша, мунча футболистни де йиберип, «Анжи» ким булан къалма тура ва къалгъан он бир оюнну кимлер булан ойнап, премьер лигада нечик сакъланма сюе? О он бир турну ичинде, Россияны чинк де гючлю командалары булан ойнама тюшежек. Ойнап къойгъан булан да болмай, оланы утма, енгме тарыкъ! «Зенит», «Динамо», «Спартак», «Локомотив», ЦСКА, «Краснодар», «Рубин» … Бу командалар я чемпионлукъгъа, яда еврокубоклагъа ойнамагъа ихтияр береген турнир таблицада ер къазанмакъ учун ойнай, олардан очколар алма да бек къыйын болажакъ.
Сонг да, «Анжиге» Европа лиганы ярым финалында 20-нчы февральда Бельгияны «Генк» дейген командасы булан ойнама тюшежек. Гьалиге «Анжи» алма сюеген футболистлени журналистлеге билдирмей. Тек, мен билеген кюйде, москвалы «Локомотивни», киевли «Динамону» ва бир нече тыш пачалыкъны командаларыны футболистлери булан сёйлешивлер юрюлюп тура.
Айтылгъан футболистлерден къайры, командадан дёрт-беш арендагъа алынгъан футболистлер де гетежеги белгили. Оланы арасында Соломатин, футбол майданны ортасында ойнайгъан Гатагов, якълавчу Епуряну ва башгъалар бар. Тамаша, мунча футболистни де йиберип, «Анжи» ким булан къалма тура ва къалгъан он бир оюнну кимлер булан ойнап, премьер лигада нечик сакъланма сюе? О он бир турну ичинде, Россияны чинк де гючлю командалары булан ойнама тюшежек. Ойнап къойгъан булан да болмай, оланы утма, енгме тарыкъ! «Зенит», «Динамо», «Спартак», «Локомотив», ЦСКА, «Краснодар», «Рубин» … Бу командалар я чемпионлукъгъа, яда еврокубоклагъа ойнамагъа ихтияр береген турнир таблицада ер къазанмакъ учун ойнай, олардан очколар алма да бек къыйын болажакъ.
Сонг да, «Анжиге» Европа лиганы ярым финалында 20-нчы февральда Бельгияны «Генк» дейген командасы булан ойнама тюшежек. Гьалиге «Анжи» алма сюеген футболистлени журналистлеге билдирмей. Тек, мен билеген кюйде, москвалы «Локомотивни», киевли «Динамону» ва бир нече тыш пачалыкъны командаларыны футболистлери булан сёйлешивлер юрюлюп тура.
P.S. Къазанлы «Рубинни» баш тренери Къурбан Бердыевни Татарстанны президенти отставкагъа йиберди. Бердиев оьзюню тренер ишин бизин «Анжиде» давам этмеге де имканлы экенни бир-бир журналистлер эсгере.
Шарабутдин Кишиев.
