Бизин дагъыстанлы командагъа янгы къошулагъан Леонардо да Силва Соуза Бразилияны Парана штатында ерлешген Андира деген шагьарында 1992-нчи йылны март айыны 18-нде тувгъан. Касбучу гьисапда футбол ойнамагъа ол 18 йыллыкъ чагъында дыгъар байлап, Кипрны Паралимни деген шагьарыны футбол клубунда башлагъан. Шондан сонг Леонардо Донецк шагьардагъы «Металлург» деген командада ойнап тургъан. Шондан сонг да Азербайжанны премьер-лигасына гиреген «Габале» деген командасында белгили россиялы касбучу Юрий Сёминни ёлбашчылыгъы булан оьзюню сынавун артдыргъан.
Леонардо да Силва Соуза «Анжи» деген футбол клуб булан байлангъан дыгъарыны къадары гьакъда бир сёз де айтмагъан.
