Магьачкъалалы «Анжи» оьзюню Австриядагъы жыйымын давам эте. Тренировкалар гьар гюн эки керен юрюле. Составда кёп дагъыстанлы футболистлер бар. Сергей Ташуев шу ахырынчы жыйымны ахырында аслу составгъа алынагъан футболистлени фамилияларын айтма тарыкъ.
Бу жыйымда ойналма тюшеген уьч тренировочный оюнну бирисин «Анжи» ойнама да ойнады. Словакиялы «Сеницагъа» бизинкилер 0–1 санав булан утдурду. Ташуев командагъа рази. Гьатта утдургъан оюнуна да разилигин билдирди. «Анжи о оюнну гьазирлик гёрювюн бузмай, бек моюгъан, талгъан гьалда ойнады.
Июн айны 30-да «Анжи» Румынияны «Университята» командасы булан ойнагъан. «Университята» команданы къапусуна эки керен пенальти берилсе де, оюн 0:0 санав булан тамамлангъан.
Июльну дёртюнде команда Австриядан, самолёт булан учуп, Магьачкъалагъа къайтып, айны алтысына салынгъан, милли лиганы биринчи оюнун ойнамагъа геле. Шо гюн бизин команда «Сахалин» команданы къабул этежек.
Ш. Кишиев.
