Ачыкъ этип айтгъанда, оьтгерилген ярышланы гьасиллерине гёре, 60–64 йыллыкъ чагъына ерлиги спортчуланы арасында Тагьир Ибрагьимов ядрону атывда биринчи, 60, олай да 200 метр мезгилге чабывда экинчи, еринден атылывда уьчюнчю ерлеге ес болгъан. Шолай да, 50–54 йыллыкъ чагъындагъы спортчуланы арасында Нури Рагьманов ядрону атывда алдынлыкъны алмагъа, 35–39 йыллыкъ чагъындагъыланы арасында Низами Магьамматов ядрону атывда биринчи, еринден атылывда буса уьчюнчю ерлеге лайыкълы болгъан. Шо ярышланы ортакъчылары Хайбулла Арбулиев, Муратхан Жалилов, Абдурагьим Палчаев ва Гьесейин Гьажиев де шо ярышланы оьлчевюнде юрюлген тогъатартывларда бир тюрлю оьрлюклеге етишмеге бажаргъан. Олар етишген уьстюнлюклер бизин командагъа оьзгелерден эсе алгъа чыкъмагъа имканлыкъ берген.

И.ГЬАЖИЕВ

Суратда: спортну ветеранларыны арасында оьтгерилген ярышланы ортакъчылары.