«Антитеррор» деген аманлыкъ ярмакю

Шо чараны аслу мурады РФ-де террорчулукъ идеологиягъа къаршы чалышагъан жамиятны ватандаш институтлары сынав алышдырмакъ, террорчулукъ идеологияны яйылывуну алдын алмакъ, олай да яшёрюмлени арасында террорчулукъгъа къаршылыкъ билдирмек эди. Форумну ачылывунда ортакъчылыкъ этген Красноярск крайны губернатору В.Толоконский айтгъан кюйде, бу чара террорчулукъгъа къаршы турувда агьамиятлы ерни тута.

«Террорчулукъ буса аз болмай, бир-бирде оьзюню чапгъынын бирден-бир гючлендире. Биз шолай къаршылыкъны алдын алма чы нечик де, адамлар оьзлени аманлыгъын ва рагьатлыгъын сезсин учун оланы эсине салма борчлубуз», – деди Толоконский.

Конференцияда уьлкени бары да ерлеринден 250-ден де артыкъ касбучу ортакъчылыкъ этди. Шоланы арасында РФ-ни Федерал жыйыныны, террорчулукъгъа къаршы иш гёреген комитетлени, федерал гьакимлик къурумланы, ихтиярланы якълайгъан къуллукъланы, илму ва билим берив идараланы, жамият яратывчу ва дин къурумланы вакиллери ортакъчылыкъ этди.

Дагъыстанны делегациясыны гьакъында айтсакъ, бизин республиканы вакиллери конференцияны ишинде актив кюйде ортакъчылыкъ этди. Олар террорчулукъгъа къаршы ябушувда оьзлер топлагъан сынавну башгъалагъа да малим этди. Шолай намусну ва дин къурумлар булан аралыкъ тутагъан комитетни председателини заместители Расул Гьажиев террорчулукъну янгы къайдасы ва огъар къаршылыкъ билдирив деген генгешде Дагъыстанда 2013–2018-нчи йылларда террорчулукъну идеологиясына къаршы планны иши гьакъда маълумат берди.

Оьзюню гезигинде ДР-ни печат ва маълумат министрини заместители А.Кургенян террорчулукъгъа къаршы министерликни маълумат къураллары гёреген чалышывну гьакъында айтды. Белгили кюйде, яшёрюмлер Интернетде бир-бир гезиклерде террор группаланы байрагъыны тюбюне гирелер. Неге десе, террорчулар пропаганда ишни де оьзлени еслигиндеги маълумат къуралланы касбучуларын къоллайлар.

Доклад этгенлер дюньягъа къоркъунчлукъ салагъан террорчулагъа къаршылыкъ билдирмекни гьакъында ойлашдылар. Сонг да, бу чарада докладлардан къайры да, террорчулагъа къаршы программалары гёрсетилди.

Форумну ахырында натижа чы­гъарылагъан генгеш оьтгерилди. Терроргъа къаршы иш гёреген комиссияны аппаратыны ёлбашчысыны биринчи заместители Евгений Ильин форумну оьтгергенлеге яхшы къыймат берди, онгаргъанлагъа баракалла билдирди.

ДР-ни террорчулукъгъа къаршы иш гёреген комиссиясы.


Авторизация
*
*
Регистрация
*
*
*
Согласны с условиями сайта?
Генерация пароля