Рубрики

От балагьдан сакъланыгъыз

Бизин айлана ягъыбызда гьалиги заманда адамлар, билип де, билмей де, от тюшювлеге ёл берегени теренден ойлашдырмай болмай. Шону гьисапгъа алып, тахшагьарыбызны Киров район администрациясыны башчылары ва къыставуллу гьалланы алдын алыв булан машгъул болагъан къуллугъуну касбучулары ватандашлагъа ва къурумлагъа язбаш-яй вакътилерде от тюшювлерден сакъ болма тюшегени гьакъда эсге сала ва шоланы натижасында болма имканлы тас этивлени алдын алывда хас буварывлар эте. Биринчилей, сиз яшайгъан ерлерде тазалыкъны низамын сакълама къарагъыз, низамсызлыкъ оьзлюгюнден де болажакъ. Шолайлыкъда, айлана якъдагъы къалды-къулдулагъа ялын къабунса, от тюшювлени алдын алма четим болажагъы гьакъда алданокъ ойлашма тюше. Экинчилей, къалды-къулдуланы, чёп-чёпюрелени чакъны исси ва шолай да ел бар гюнлерде яллатмагъа ярамай. Электрик ярыкъны къоллавчуларына да электрик алатланы пайдаландырывда сакъ болмагъа таклиф этиле. Ата-аналар, уллулар гьайсызлыкъгъа ёл берип, электрик алатлар булан яшлагъа машгъул болма тапшурма ярамай. Уьйлени ва къурумланы есилери от тюшгенде къолланагъан алатланы болдурма тарыкъ. От тюшгенде электрик гючню ва газ ягъарлыкъны къайтарып, эшик-терезелени бегетип, башыгъызгъа сув полотенцаны чырмап къыргъа чыкъмагъа герек бола. От тюшгенде 01 ва 112 номерлеге зенг уруп телефондан таба билдирмеге тюше. От тюшювлерден къорувну низамын бузагъанлар закон ёлунда административ ва уго­ловный къайдаларында такъ­сырлавлагъа тартылагъаны гьакъ­да билмек пайдалы болур. В. КЕРИМХАНОВ, Магьачкъаланы Киров районуну къыставлу гьалланы алдын алывгъа байлавлу къуллугъуну начальнигини заместители, ич ишлер къуллугъуну майору.
Ёлдаш Вчера в 18:02

Янгыдан яралгъан юрт

Арт вакътиде «Мени гиччи Ватаным» деген ат булан «Ёлдашны» бетлеринде чыгъагъан макъалалар гьар кимни тергевюн тарта, къумукъ халкъны, олар яшайгъан юртланы тарихин, яшавун билмеге, англавларыбызны толумлашдырмагъа залим кёмек эте. Гезик къыбла къумукълагъа да етишди. Янгыгент - Гьайдакъ районда ерлешген къумукъ юртланы бириси. Юртну аты янгы деген сёз булан байлансада, юрт бырынгъылардан санала гелген. Дагъысын айтмасакъ, белгили дагъыстанлы тарихчи Расул Магьамматовну айтывуна гёре Янгыгент уьч керен (1277, 1818, 1877-нчи йыллар) бузулгъан.
Ёлдаш Вчера в 16:29