«Ёлдашны» 100 йыллыгъы булан къутлай

     
  

Къайратлы барлыгъы булан, тюгенмес ярыгъы булан Къумукъну Асхар тавуну да, анадаш «тюзюню» де 100 йылланы боюнда абурун-сыйын да, атын-хатын да, тарихи-тархы булан къысматын да гётере, айта, яза, баянлай ва аянлай гелген, сююнчлери булан къайгъы-дертин бёле гелген, энниден сонг да аркъа таявубуз, ян-ювугъубуз «Ёлдаш» газетибизни ва «Танг-Чолпан» журналыбызны 100 йыллыкъ аламат чагъы-оьмюрюне байлавлу сююмлю байрам шатлыкъларыбыз булан «Къарчыгъа» журналыбыз гьакъ юрекден къутлай!



Биз оьктембиз, оьзденбиз – оьз газетибиз, оьз журналыбыз!


Къарчыгъалар.


«Ёлдашым»



Чатыраша чагъы юзге оьрленген,


Чыныкъдыра асру мечи – тюрленген,


Миллетимни мюгьюрлю гьакъ негети –


Къумугъумну барлы «Ёлдаш» газети!



«Ёлдашымдыр» эл къысматын аянлар,


Асруланы арзуларын баянлар.


Тюнегюнню тангалагъа байлажакъ,


Миллетиме минг алгъышлар сайлажакъ.



«Ёлдашымны» гечиремен гёзден мен,


Къумукъ къысмат бир экенге оьзденмен! 


Язывларым, язгъанларым гюн гёрме


Илгьамчымдай «Ёлдаш» тёрде ер берген.


«Ёлдаш» булан билемен ёл тюзеле,


Эл адаты, ёл-ёругъу излене.


Сырынг чечер, гёнгюл гечер гезмелер,


Эл хазнасы гьакъыл, гьакълыкъ гёзленер.


Амалыбыз чомарт этер, генг этер,


Аламыбыз гьайран этер, тёр этер.


Къумугъумну атын данггъа чыгъарып,


«Ёлдашым» бар даимлеге оьр этер.


Шейит-Ханум Алишева.

Авторизация
*
*
Регистрация
*
*
*
Согласны с условиями сайта?
Генерация пароля